Senat ujymdyq qaýipsizdik týraly shartqa ózgerister engizý týraly hattamany ratıfıkatsııalaýǵa qatysty qujatty qabyldady
ASTANA. 10 qarasha. QazAqparat /Aıdar Ospanalıev/ - Senat depýtattary jalpy otyrysta «1992 jylǵy 15 mamyrdaǵy Ujymdyq qaýipsizdik týraly shartqa ózgerister engizý týraly hattamany ratıfıkatsııalaý týraly» zań jobasyn qabyldady.
Otyrysta atalmysh qujatqa baılanysty baıandama jasaǵan Syrtqy ister mınıstriniń orynbasary Amangeldi Jumabaevtyń aıtýynsha, atalǵan hattama 2010 jylǵy 10 jeltoqsanda Máskeýde jasalǵan. Oǵan sáıkes, bir nemese birneshe qatysýshy memlekettiń qaýipsizdigine, turaqtylyǵyna, aýmaqtyq tutastyǵyna jáne egemendigine nemese halyqaralyq beıbitshilik pen qaýipsizdikke qater tóngen jaǵdaıda qatysýshy memleketter óz ustanymdaryn úılestirý maqsatynda birlesken konsýltatsııalar tetigin jedel iske qosyp, qaýip tóngen memleketterge kómek kórsetý sharalary qabyldanady.
Sondaı-aq, hattamaǵa sáıkes eger qatysýshy memlekettiń biri agressııaǵa ushyrasa, onda bul hattamaǵa qatysýshy memleketterdiń barlyǵyna jasalǵan agressııa retinde qaralady.
Otyrys barysynda depýtattar osy zań jobasyna ilespe bolyp tabylatyn «2002 jylǵy 7 qazandaǵy Ujymdyq qaýipsizdik týraly shart uıymynyń Jarǵysyna ózgerister engizý týraly hattamany ratıfıkatsııalaý týraly» zań jobasyn da qabyldaý qajet degen sheshim qabyldady.
