Senat úsh býyndy sot júıesine kóshýge baılanysty Azamattyq protsestik kodekstiń jobasyn keri qaıtaryp aldy
ASTANA. QazAqparat - Búgin QR Parlamenti Senatynyń jalpy otyrysynda «QR-dyń keıbir zańnamalyq aktilerine azamattyq protsestik zańnamany jetildirý máseleleri boıynsha ózgerister men tolyqtyrýlar engizý týraly» QR Zańynyń jobasyn keri qaıtaryp alý sheshimin qabyldady.
«Esterińizde bolsa, 2015 jyldyń 9 shildesinde Senat otyrysynda biz 2 zań jobasyn qabyldaǵan edik. Olar: Azamattyq protsestik kodeks pen «QR-dyń keıbir zańnamalyq aktilerine azamattyq protsestik zańnamany jetildirý máseleleri boıynsha ózgerister men tolyqtyrýlar engizý týraly». Osy eki zań jobasyn ózgertýlermen, tolyqtyrýlarmen Májiliske qaraýǵa jiberdik. Qazirgi ýaqytta qosymsha materıaldar tústi. Olar 2015 jyldyń 1 qyrkúıeginde Kodeks jobasynyń bastamashylarymen, basqa komıtetterdiń depýtattarymen, Senat apparatynyń qyzmetkerlerimen ótken komıtet otyrysynda talqylandy. Biz mynalardy atap ótemiz: «Memlekettik qurylystyń odan arǵy 100 naqty qadamy» bes ınstıtýttyq reformany júzege asyrý boıynsha ult josparyn júzege asyrýda Memleket basshysy qoldanystaǵy zańnamaǵa úsh býyndy sot júıesine kóshý máselesi boıynsha ózgertýler engizý qajettigine nazar aýdartty. Osyǵan oraı, dál osy bes ınstıtýttyq reforma josparyn oryndaýǵa qatysty qujat kelip tústi», - dedi Zańnama, sot júıesi jáne quqyq qorǵaý organdary komıtetiniń hatshysy Lıýdmıla Poltorabatko.
