Senat Úndistan men Pákistannyń ShYU oqý-jattyǵýyna qatysýǵa múmindik beretin hattamany ratıfıkatsııalady
«Qaralyp otyrǵan zań jobasy Shanhaı yntymaqtastyq uıymyna jańadan kirgen memlekettiń birlesken áskerı oqý-jattyǵýlar ótkizý týraly Kelisimine qosylýyn, osy kelisimge ózgerister men tolyqtyrýlar engizý týraly Hattamany qabyldaý arqyly qamtamasyz etýge baǵyttalǵan. Hattamanyń maqsaty Shanhaı yntymaqtastyq uıymynyń barlyq múshe memleketterine tolyq quqyqtyq jaǵdaı jasaýdy qamtamasyz etý bolyp tabylady. Atap aıtqanda 2017 jyldan bastap uıymynyń quqyly múshe memleketteri Úndistan men Pákistan boldy. Osy hattamany ratıfıkatsııalaý olarǵa uıym músheleriniń terrıtorııalarynda ótetin birlesken áskerı oqý-jattyǵýlaryna, birlesken áskerı antıterrorlyq jattyǵýlaryna qatysýǵa múmkindik beredi», - dedi Senattyń jalpy otyrysynda baıandama jasaǵan senator Talǵat Musabaev.
Onyń aıtýynsha, Hattamany ratıfıkatsııalaýdan kútiletin nátıje - birlesken áskerı oqý-jattyǵýlardy ótkizý geografııasyn keńeıtý múmkindigi.
Kelisim aıasynda Uıymǵa múshe memleketterdiń aýmaǵynda 2 jylda 1 ret kezekpen terrorǵa qarsy baǵyttaǵy («Beıbit mıssııa») birlesken áskerı oqý-jattyǵýlar ótkiziledi. Mundaı oqý-jattyǵýlardy ótkizý qarýly kúshterdiń kásibı daǵdylary men jaýyngerlik daıarlyǵyn arttyrýǵa jáne olardyń arasynda ózara is-qımyl máselelerin pysyqtaýǵa yqpal etedi.