Senat UQK tóraǵasy qyzmetine N. Ábiqaevty taǵaıyndaýǵa kelisim berdi
ASTANA. Qyrkúıektiń 1-i. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary Memleket basshysynyń QR Ulttyq qaýipsizdik komıtetiniń tóraǵasy qyzmetine Nurtaı Ábiqaevty taǵaıyndaýyna kelisimin berdi.
Elbasynyń N. Ábiqaevty UQK tóraǵasy qyzmetine taǵaıyndaý týraly Konstıtýtsııanyń 44-babynyń 4-shi tarmaqshasyna, 55-babynyń 2-shi tarmaqshasyna sáıkes Senatqa engizgen usynysyna sáıkes, tóraǵanyń kandıdatýrasyn QR Prezıdenti Ákimshiliginiń basshysy Aslan Mýsın tanystyrdy.
Esterińizge sala keteıik, N. Ábiqaev buǵan deıin QR Prezıdenti Apparatynyń basshysy, QR UQK tóraǵasy, QR Parlamenti Senatynyń tóraǵasy sekildi joǵary laýazymdy qyzmetter atqarǵan. 2008 jyldan bastap QR Syrtqy ister mınıstriniń birinshi orynbasary. Palata depýtattary Elbasynyń usynysyn biraýyzdan qoldap, kelisimderin berdi.
