Senat Túrki ınvestıtsııalyq qoryn qurý týraly kelisimdi maquldady

TMU-nyń negizgi mindetteriniń biri – ekonomıkanyń ozyq sektorlaryna ınvestıtsııa tartý úshin qolaıly jaǵdaılar jasaý, jańa tehnologııalardyń paıda bolýyn yntalandyrý jáne olardy belsendi engizý. Túrki ınvestıtsııalyq qory - túrki áleminiń ekonomıkalyq ıntegratsııasynyń alǵashqy birlesken qarjy ınstıtýty, dep habarlaıdy QazAqparat.

QR Ekonomıka mınıstrliginiń málimetinshe, onyń maqsaty - óńirishilik saýdany keńeıtý jáne ekonomıkalyq belsendilikti qoldaý arqyly uıymǵa múshe memleketterdiń ekonomıkalyq damýyna járdemdesý.

"Qor ınvestıtsııalyq qyzmet arqyly kelesi fýnktsııalardy oryndaıtyn bolady – mıkro-, shaǵyn jáne orta kásiporyndardyń jobalaryn qarjylandyrý, fızıkalyq jáne tsıfrlyq ınfraqurylymdy qurýdy jáne jańǵyrtýdy qoldaý, ónerkásiptik óndiristi, ınfraqurylymdy, kólikti, aýyl sharýashylyǵyn, týrızmdi jáne "jasyl" ekonomıkany qosa alǵanda, ózara qyzyǵýshylyq týdyratyn salalardaǵy damý jobalaryn qoldaý", - dep jazdy mınıstrlikten.

Zańnyń qabyldanýy Qazaqstanǵa túrki áleminiń belsendi qatysýshysy, túrki Halyqaralyq qarjy uıymynyń alǵashqylardyń biri jáne tolyqqandy múshesi bolýǵa, ekonomıkanyń basym sektorlaryndaǵy jobalardy qarjylandyrýǵa, sondaı-aq TMU sheńberinde jáne odan tys jerlerde saýda-ekonomıkalyq yntymaqtastyqty nyǵaıtýǵa múmkindik beredi.