Senat tórtinshi sessııadaǵy sońǵy otyrysyn ótkizdi

Otyrysta depýtattar Parlament Senaty Tóraǵasynyń usynysyn qaraı kelip, Respýblıkalyq bıýdjettiń atqarylýyn baqylaý jónindegi esep komıtetiniń múshesi qyzmetine Janseıit Sársenqulovty taǵaıyndady. Sonymen qatar palata basqa jumysqa aýysýyna baılanysty Parlament Senatynyń depýtaty J.Sársenqulovtyń ókilettigin toqtatty.

Kún tártibine sáıkes, depýtattar birqatar halyqaralyq kelisimder men sharttardy talqylap, ratıfıkatsııalaý týraly zań jobalaryn qabyldady.

Olar «Qazaqstan Respýblıkasy men Túrkııa Respýblıkasy arasyndaǵy Strategııalyq áriptestik týraly shartty ratıfıkatsııalaý týraly» jáne «Qazaqstan Respýblıkasy men Koreıa Respýblıkasy arasyndaǵy Qylmystyq ister boıynsha ózara quqyqtyq kómek týraly shartty ratıfıkatsııalaý týraly» zań jobalary bolatyn.

Sondaı-aq «Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly» jáne «Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Frantsýz Respýblıkasy Qarýly Kúshteriniń Aýǵanstan Islam Respýblıkasyn turaqtandyrý men qalpyna keltirý jónindegi is-qımyldarǵa qatysýyna baılanysty Qazaqstan Respýblıkasynyń aýmaǵy arqyly áskerı múlik pen personaldyń tranzıtin qamtamasyz etý týraly kelisimdi ratıfıkatsııalaý týraly» zańdar da qabyldandy.

Otyrysta ıntegratsııalyq birlestikterge - Keden odaǵy men Biryńǵaı ekonomıkalyq keńistikke qatysýshy memleketterdiń qyzmetine qatysty kelisimder ratıfıkatsııalandy.

Bul zańdarmen kelisilgen makroekonomıkalyq saıasat, qyzmetter kórsetý saýdasy jáne ınvestıtsııalar týraly, ónerkásiptik sýbsıdııalardy berýdiń biryńǵaı qaǵıdalary, baǵa belgileý men tarıftik saıasat negizderin qosa alǵanda, elektr energetıkasy salasyndaǵy tabıǵı monopolııalardyń qyzmetterine qol jetkizý, ótpeli kezeń ishinde arnaıy qorǵaý, dempıngke qarsy jáne ótemaqy sharalaryn qoldaný men engizý aldyndaǵy tergeýler maqsaty úshin málimetter berý tártibi, qarjy naryqtarynda kapıtaldyń erkin qozǵalysyn qamtamasyz etý, aýyl sharýashylyǵyn memlekettik qoldaýdyń biryńǵaı qaǵıdalary týraly quqyqtyq negiz jasalady.

Kelisimderdegi málimetter boıynsha ekonomıkalyq ıntegratsııa isteri mınıstri J.Aıtjanova, aýyl sharýashylyǵy mınıstri Asyljan Mamytbekov, Ulttyq Banki tóraǵasynyń orynbasary B.Tájiıaqov depýtattardyń kóptegen saýaldaryna jaýap berdi.

Talqylaý nátıjesi boıynsha zańnamalarǵa salyq salý, syrtqy memlkettik qarjylyq baqylaý, halyqqa qyzmet kórsetý ortalyqtary týraly ózgerister engizýdi kózdeıtin zań jobalary qabyldandy. Sońǵy zań jobasy palatalar arasyndaǵy kelisý komıssııasynyń qorytyndy usynysy boıynsha qabyldandy.

Turǵyn úı qatynastary jáne ıslamdyq qarjylandyrýdy uıymdastyrý máseleleri boıynsha zań jobalaryna Senat engizgen ózgerister Parlament Májilisine jiberildi.

Birinshi oqylymda qaralǵan «Qazaqstan Respýblıkasynyń keıbir zańnamalyq aktilerine quqyq qorǵaý qyzmetin jetildirý jáne qylmystyq zańnamany odan ári izgilendirý máseleleri boıynsha ózgerister men tolyqtyrýlar engizý týraly» zań jobasy maquldandy.

Qylmystyq, qylmystyq-atqarý zańnamasyn, qylmystyq sot óndirisi men quqyq qorǵaý qyzmetin odan ári izgilendirýge baǵyttalǵan zańmen Qylmystyq, Qylmystyq-is júrgizý, Qylmystyq-atqarý, Ákimshilik quqyq buzýshylyq týraly kodeksterge, «Prokýratýra týraly», «Quqyq qorǵaý qyzmeti týraly» jáne basqa da zańdarǵa ózgerister men tolyqtyrýlar engizildi.

Otyrys sońynda joǵarǵy palatanyń basshysy bıylǵy sessııadaǵy Senat qyzmetiniń qortytyndylary týraly aıtty. Tóraǵa atap ótkendeı, ótken kezeńde Elbasynyń Joldaýynda belgilengen strategııalyq mindetterdi, sondaı-aq memlekettik baǵdarlamalardy quqyqtyq turǵydan qamtamasyz etý úshin tıisti zańnamalyq negiz jasaldy.

Bıylǵy 19 tamyzda Qazaqstan Respýblıkasynyń Konstıtýtsııasyna sáıkes, ár úsh jyl saıyn Senat depýtattarynyń saılaýy bolatynyn aıtqan tóraǵa aldaǵy saılaýǵa qatysatyn áriptesterine tilektestigin jetkizdi.

Sondaı-aq Q.Mámı depýtattyq korpýs pen palata apparatynyń qyzmetkerlerine qajyrly qyzmetine oraı rızashylyǵyn bildirip, Senat qyzmetin kórsetýdegi buqaralyq aqparat quraldarynyń ókilderine alǵys aıtty.