Senat tóraǵasynyń orynbasary Syrdarııa aýdanynda kezdesý ótkizdi
QYZYLORDA. QazAqparat - QR Parlamenti Senaty tóraǵasynyń orynbasary Bektas Beknazarov, senatorlar Murat Baqtııaruly men Bekmyrza Elamanov jumys saparymen Syrdarııa aýdanyna kelip, aýdandyq mádenıet úıinde aýdan aktıvimen kezdesti. Bul týraly QazAqparat tilshisi habarlady.
Kezdesýdi aýdan ákimi Ǵanıbek Qazantaev ashyp, júrgizip otyrdy. Jıynǵa oblystyq máslıhat hatshysy N.Baıqadamov, aýdandyq máslıhat hatshysy E.Ájikenov, aýdan ákiminiń orynbasarlary B.Lekerov, B.Ótegenov, E.Ahetov, mekeme basshylary, aýdannyń zııaly qaýym ókilderi, úkimettik emes uıym músheleri, ardagerler, jastar jáne BAQ ókilderi qatysty.
Kezdesýde QR Parlamenti Senatynyń tóraǵasynyń orynbasary B.Beknazarov Parlament qabyldaǵan zańdardyń mazmuny týraly baıandama jasap, rýhanı jańǵyrý, ulttyq qundylyqtardy saqtaý men qazaq tilin latyn álipbıine kóshirý máseleleri keńinen talqylandy. Sonymen qatar senatorlar kezdesýge qatysýshylardyń saýaldaryna jaýap berdi.
