Senat Tóraǵasynyń orynbasary Qaırat Işanov qyzmetinen bosady
ASTANA. QazAqparat - Búgin Parlament Senatynyń jalpy otyrysynda Palata Tóraǵasynyń orynbasary Qaırat Işanov óz ótinishi boıynsha qyzmetinen bosatyldy.
Senat reglamentine sáıkes, tóraǵa orynbasaryn qyzmetinen bosatý týraly másele Tóraǵa usynysymen nemese orynbasardyń óziniń ótinishi boıynsha bosatylady.
Spıker Qasym-Jomart Toqaevtyń aıtýynsha, Q. Işanov orynbasar qyzmetinen bosatý týraly ótinish jasaǵan. Ol Senat depýtattyǵynda on jyldan asa qyzmet etip keledi.
«Qaırat Qydyrbaıuly 2011 jylǵy qarasha aıynan bastap, palata tóraǵasynyń orynbasary qyzmetin atqardy. Senat jumysyna mol úles qosqanyn atap aıtqym keledi. Ol óz tájirıbesin zań shyǵarmashylyǵy jumysynda utymdy kórsetti», -dedi spıker.
«Bul - jalpy rotatsııa. Keleshekte bundaı rotatsııa óz jalǵasyn tabady dep oılaımyn. Jumysyńyzǵa tabys tileımin», - dedi Q. Toqaev. Palata depýtattary atalǵan usynysty biraýyzdan qoldady.
Sonymen qatar, Q. Işanov óz ótinish etýi boıynsha Senattyń Qarjy jáne bıýdjet komıtetiniń quramyna múshe bolyp saılandy.
