Senat Tóraǵasynyń orynbasary Q.Işanov TMD PAA baıqaýshylarymen kezdesti
ASTANA. QazAqparat - Búgin Qazaqstan Respýblıkasy Parlamenti Senaty Tóraǵasynyń orynbasary Qaırat Işanov Qazaqstan Respýblıkasy Parlamenti Senaty depýtattarynyń saılaýyn kórýge kelgen TMD Parlamentaralyq Assambleıasynyń baıqaýshylar tobymen kezdesti.
Kezdesý barysynda aldaǵy Parlament Senatynyń saılaýyna qatysty máseleler talqylandy, konstıtýtsııalyq erejeler men saılaý úderisterindegi qaǵıdalar týraly máseleler qozǵaldy.
Palata Tóraǵasynyń orynbasary Q.Işanov delegatsııany Qazaqstan Respýblıkasy Parlamentiniń zań shyǵarý qyzmeti jáne qurylymymen tanystyrdy.
Taraptar ádil jáne aıqyn saılaý ótkizýdiń, azamattardyń konstıtýtsııalyq quqyqtary men bostandyǵyn, sondaı-aq Qazaqstan Respýblıkasyndaǵy ókildi bılikti qalyptastyrýdaǵy saılaý ótkizý barysynda halyqaralyq standarttar men demokratııa qaǵıdalaryn qurmetteýdiń mańyzdylyǵyn atap ótti.
Kezdesýge senatorlar Baqtybaı Shelpekov jáne Vladımır Redkokashın qatysty.
