Senat Tóraǵasy Syrtqy shirkeý baılanystary bóliminiń tóraǵasy Volokolamsk arhıepıskopy, Máskeý Patrıarhy jáne búkil Reseı vıkarıi Ilarıonmen kezdesti
ASTANA. Qazannyń 26-sy. QazAqparat - Búgin, Qazaqstan Respýblıkasy Parlamenti Senatynyń Tóraǵasy, Álemdik jáne dástúrli dinder lıderleri Sezi Hatshylyǵynyń basshysy Qasym-Jomart Toqaev Reseı Federatsııasyna resmı sapary aıasynda máskeýlik Svıato-Danılovsk monastyrinde Syrtqy shirkeý baılanystary bóliminiń tóraǵasy Volokolamsk arhıepıskopy,
Máskeý Patrıarhy jáne búkil Reseı vıkarıi Ilarıonmen kezdesti, dep habarlaıdy QazAqparat.
Kezdesý barysynda osy zamanǵy qoǵamdaǵy dinniń roli, dinaralyq áriptestikti odan ári nyǵaıtý qajettigi týraly pikir almasyldy, konfessııaaralyq ózara qarym-qatynastyń alýan túrleri men qazirgi órkenıet qundylyqtaryn saqtaý jáne ońaılatý maqsatynda únqatysýdy damytý máseleleri talqylandy.
Q.Toqaev ústimizdegi jylǵy jazda Astanada ótken Álemdik jáne dástúrli dinder lıderleri sezi týraly arhıepıskop Ilarıondy habardar etip, Orys Pravoslav shirkeýi ókilderiniń osy jıynǵa qatysqany úshin alǵys aıtty.
Ol Álemdik jáne dástúrli dinder lıderleri sezi Hatshylyǵynyń jumysy týraly áńgimelep, osyndaı sharanyń Reseı Federatsııasynda ótkizilýine járdem berýge ázirligin bildirdi.
Sondaı-aq tóraǵa Patrıarh Kırılldiń Qazaqstanǵa sapary jáne onyń Álemdik jáne dástúrli dinder lıderleriniń kezekti sezine qatysýy konfessııaaralyq kelisimdi nyǵaıtýda erekshe máni bar ekenin jáne Qazaqstan men Reseıdiń dindar adamdaryna oń qyzmet etetinin atap ótti. Ol arhıepıskop Ilarıondy Qazaqstanǵa kelýge shaqyrdy.
Óz kezeginde arhıepıskop Ilarıon órkenıetter únqatysýlaryn ózara túsinistiktiń jańa satysyna kóteretin din basshylarynyń Astanada ótkiziletin jıynynyń mańyzy zor ekenin atap ótti. Ol Qazaqstandy úlgi memleket retinde atap, bizdiń ultaralyq jáne konfessııaaralyq kelisimdegi tájirıbemiz ben ónegemiz basqa elderge taratýǵa laıyq ekenin aıtty.
«Qazaqstandyq bıliktiń, eń aldymen Prezıdent Nursultan Nazarbaevtyń zor eńbegi osynda», dedi arhıepıskop Ilarıon.
