Senat tóraǵasy Sankt-Peterborda J.Jabaev eskertkishine gúl shoqtaryn qoıdy
NKT-PETERBOR. 9 qarasha. QazAqparat /Qanat Mámetqazyuly / - Búgin QR Parlamenti Senatynyń tóraǵasy Qaırat Mámı bastaǵan qazaqstandyq parlamentshiler delegatsııasy Sankt-Peterbordaǵy Jambyl Jabaev eskertkishine gúl shoqtaryn qoıyp, baba rýhyna taǵzym etti.
Jambyl Jabaev eskertkishi 2003 jyly 30 mamyrda ashylǵan. Eskertkishke: "Dar ot naroda Kazahstana, k 300-letııý Sankt-Peterbýrga" dep jazylyp, Jambyl Jabaevtyń "Lenıngradtyq órenim" óleńiniń shýmaqtary altyn árippen órilgen. Bul jazýlar sýburqaqtyń tolqynmen oınap,erekshe áser qaldyrady. Jambyl aqynnyń eskertkishi kez kelgen adamǵa kóterińki rýh beredi. Jeti qanat qazaq úı, syńǵyrlaǵan sýburqaq eskertkishke sán berip tur.
Eskertkish qoladan quıylǵan. Jyr alyby Jambyldyń búkil tulǵasy syıyp turǵan onyń bıiktigi 5 metrdeı. Eskertkish avtorlarynyń quramynda pıterlik ataqty sýretshi-arhıtektor Felıks Romanovskıı, músinshi Valentın Sveshnıkov jáne qazaqstandyq músinshi Baýyrjan Ábishev boldy.
Eske sala keteıik, búgin QR Parlamenti Senatynyń tóraǵasy Qaırat Mámı bastaǵan qazaqstandyq parlamentshiler delegatsııasy TMD Parlamentaralyq Assambleıasy keńesiniń otyrysyna qatysý úshin Sankt-Peterbor qalasyna keldi.
