Senat Tóraǵasy Reseıdiń Qazaqstandaǵy Elshisimen kezdesti

NUR-SULTAN. QazAqparat – QR Parlamenti Senatynyń Tóraǵasy Máýlen Áshimbaev Reseı Federatsııasynyń Qazaqstandaǵy Tótenshe jáne Ókiletti Elshisi Alekseı Borodavkınmen kezdesti, dep habarlaıdy QazAqparat.

Dıplomat Senat Tóraǵasyn Palata basshysy laýazymyna saılanýymen quttyqtap, aldaǵy qyzmetine tabys tilegen.

«Kezdesý barysynda eki eldiń memleket basshylary arasynda qol jetken ýaǵdalastyqtardy júzege asyrý aıasyndaǵy baǵyttar sóz boldy. Atap aıtqanda, saýda-ekonomıkalyq, óńiraralyq jáne shekaralyq yntymaqtastyq máseleleri talqylandy.

Sondaı-aq, taraptar memleketter arasyndaǵy eki jaqty jáne kópjaqty parlamentaralyq yntymaqtastyqty odan ári kúsheıtý qajettigine nazar aýdardy», - delingen Parlament Senatynyń aqparatynda.