Senat tóraǵasy Prezıdent saılaýynyń nátıjesi týraly: Bul birligimizdiń arqasynda qol jetkizilgen jarqyn jeńis

ASTANA. QazAqparat – Bul zamattarymyzdyń bekem birliginiń arqasynda qol jetkizilgen jarqyn jáne aıqyn jeńis. QR Prezıdentiniń kezekten tys saılaýynyń aldyn ala qorytyndysyna baılanysty QR Parlamenti Senatynyń tóraǵasy Máýlen Áshimbaev osylaı dedi, dep habarlaıdy QazAqparat.

«Ortalyq saılaý komıssııasy Qazaqstan Prezıdenti saılaýynyń aldyn ala qorytyndysyn jarııalady. Soǵan sáıkes el azamattarynyń 81,31 paıyzy Qasym-Jomart Kemeluly Toqaevqa daýys bergeni belgili boldy.

Bul – Memleket basshysynyń aýqymdy reformalary men bastamalaryna degen halyqtyń qoldaýy. Sondaı-aq azamattarymyzdyń bekem birliginiń arqasynda qol jetkizilgen jarqyn jáne aıqyn jeńis»-dep jazdy Máýlen Áshimbaev óziniń Facebook-tegi paraqshasynda.

Sondaı-aq Senat spıkeri saılaýdaǵy halyqtyń belsendiligin atap ótti Saılaýǵa 8,3 mln adam nemese barlyq saılaýshynyń 69,44 paıyzy qatysqan.

Daýys berý barysyn baqylaǵan otandyq jáne halyqaralyq baıqaýshylar saılaýdyń joǵary deńgeıde uıymdastyrylǵanyn jáne ulttyq zańnamalar men halyqaralyq standarttarǵa saı ótkenin málimdedi.

«Osyǵan oraı Qasym-Jomart Kemelulyn jáne barsha jaqtastaryn aıqyn jeńispen taǵy da quttyqtaımyn! Prezıdentimizdiń saıasaty aıasynda bárimiz birge jańa, órkendegen, demokratııaly jáne ádiletti Qazaqstan quramyz dep tolyq senemin»,-dedi Máýlen Áshimbaev.

Foto: senate.parlam.kz