Senat Tóraǵasy Mıtropolıti Aleksandrmen kezdesti
ASTANA. 11 qazan. QazAqparat - Búgin Qazaqstan Respýblıkasy Parlamenti Senatynyń Tóraǵasy Qaırat Mámı Astana jáne Qazaqstan Mıtropolıti Aleksandrmen kezdesti. Bul týraly Qazaqstan Respýblıkasy Parlamenti Senatynyń baspasóz qyzmetinen habarlady.
"Áńgime barysynda dinaralyq únqatysý men ózara yntymaqtastyqty ilgeriletý týraly sóz boldy. Álemdik jáne dástúrli dinder lıderleri Sezi Hatshylyǵynyń qorytyndylary talqylandy. Sezder arasyndaǵy kezeńderdegi únqatysýdy nyǵaıtý, kelisim jáne ózara túsinistikti tereńdetý jónindegi ıdeıalar men jobalardy engizý qajettigi de aıtyldy", - delingen bapasóz habarlamasynda.
Sezd Hatshylyǵynyń Basshysy retinde Q. Mámı pravoslav dinı qaıratkerlerine qoǵamdaǵy toleranttyqty, beıbitshilik pen kelisimdi nyǵaıtýdaǵy belsendi qyzmeti úshin rızashylyǵyn bildirdi.
Kezdesý barysynda Mıtropolıt Aleksandr barsha musylmandardy kele jatqan Qurban aıt merekesimen quttyqtady.
