Senat Tóraǵasy men Gaz eksporttaýshy elder forýmynyń Bas hatshysy álemdik energetıka naryqtaryndaǵy ahýal jaıly pikir almasty
ASTANA. QazAqparat - Senat Tóraǵasy Qasym-Jomart Toqaev Eýrazııalyq «Kazenergy 2015» forýmyna qatysý úshin Astanaǵa kelgen Gaz eksporttaýshy elder forýmynyń Bas hatshysy Hosseın Adelıdi qabyldady.
Álemdik energetıka naryqtaryndaǵy ahýal kezdesýdiń negizgi taqyryby boldy.
H.Adelı ózi basqaratyn halyqaralyq uıymnyń qyzmeti týraly habardar etti. Uıymǵa tabıǵı gazdy eksporttaıtyn 18 memleket múshe. Belgili ırandyq dıplomat ári ekonomıst álemdegi jáne Taıaý Shyǵys aımaǵyndaǵy geosaıası jaǵdaı týraly oılarymen bólisti.
Senat Tóraǵasy júzdesýshiniń nazaryn Qazaqstan Prezıdenti Nursultan Nazarbaevtyń BUU Bas Assambleıasynyń minbesinen aıtqan usynystaryna aýdardy. Q.Toqaevtyń aıtýynsha, Qazaqstan ıadrolyq qarýdy taratpaý jáne memleketterdiń beıbit atom salasyndaǵy quqyqtaryn qamtamasyz etý boıynsha is júzinde kúsh salýda.
