Senat Tóraǵasy: Memlekettik satyp alýǵa alyp-satarlar kóp qatysady
NUR-SULTAN. QazAqparat – Tapsyrys berýshi tómen baǵaǵa qyzyǵyp, sapasyz ımporttyq taýar alady. Bul týraly QR Parlamenti Senatynyń tóraǵasy Darıǵa Nazarbaeva málim etti, dep habarlaıdy QazAqparat tilshisi.
«Qazaqstanda qazirgi ýaqytta 1071-den 40 iri jáne orta jeńil ónerkásip salasy ǵana jumys istep tur. ıAǵnı, jeńil ónerkásiptiń ádettegi kásiporny - bul tigin nemese aıaq kıim fabrıkasy emes, atele jáne artel. Keıbir salalarda 1 ǵana iri nemese orta kásiporyn bar. Bul rette barlyq kásiporyndardyń ortasha qýattylyǵy 26 paıyzdan sál asady. Saladaǵy qyzmetkerler tizimi 12 700 adam, al shynaıy túrde – 9 300. Bul kórsetkish keńestik ýaqytynda 200 000 bolǵan», - dedi D. Nazarbaeva Senatta elimizdegi jeńil ónerkásip taqyrybyna arnalǵan parlamenttik tyńdaýda.
Onyń sózine qaraǵanda, elimiz jeńil ónerkásip ónimderin eksporttaǵannan góri, 17 ese kóp ımporttaıdy.
«Qazirgi kezde Qazaqstanda jeńil ónerkásipke kóbinese vedomstvolyq memlekettik tapsyrystar arqyly qoldaý jasalyp otyr, solardyń esebinen kásiporyndar jumysyn jalǵastyrýda. Biraq túrli sebepterge baılanysty bul kásiporyndarǵa tehnologııalyq turǵydan damýǵa, assortımentti keńeıtýge múmkindik bermeıdi. Memlekettik satyp alýǵa alyp-satarlar kóp qatysady. Tapsyrys berýshi tómen baǵaǵa qyzyǵyp, sapasyz ımporttyq taýar alady. Nátıjesinde, bıýdjet qarajaty elden shyǵarylyp, basqa elderdiń ekonomıkasyn damytýǵa demeýshi bolady», - dedi Senat tóraǵasy.
Budan buryn habarlanǵandaı, Darıǵa Nazarbaeva jeńil ónerkásiptiń áleýmettik mańyzdylyǵy týraly aıtty.
