Senat Tóraǵasy qazaqstandyqtardy Astana kúnimen quttyqtady
ASTANA. 6 shilde. QazAqparat - QR Parlamenti Senatynyń Tóraǵasy Qaırat Mámı barsha qazaqstandyqtardy Astananyń 15 jyldyǵymen quttyqtady.
Senat Tóraǵasy qazaqstandyqtardy ataýly merekemen quttyqtaı otyryp: «Qazaqstan Respýblıkasynyń Tuńǵysh Prezıdenti Nursultan Nazarbaev bas sáýletshisi bolyp tabylatyn Astana qalasy - halqymyzdyń erteńgi kúnderge nyq senimin uıalatqan qutty qonys, mereıli mekenge aınaldy.
Osy zamanǵy sáýletti ǵımarattarymen, álemdik mádenıettiń alýan úlgilerimen ádemi aıshyqtalǵan Astana dúnıe júzindegi kórikti qalalardyń qataryna qosyldy.
Elorda meıramy kóp ultty halqymyzdy yntymaqqa shaqyryp, jańa bıikterge serpin beretin, barsha áleýmetke ortaq shyn mánindegi erekshe mereke.», - dep atap ótti.
Sóz sońynda Qazaqstanda turatyn barlyq jurtshylyqqa beıbitshilik pen baqyt tiledi.
