Senat Tóraǵasy Qaırat Mámıdiń tóraǵalyq etýimen palata bıýrosynyń otyrysy boldy
ANA. 21 maýsym. QazAqparat - Keshe Parlament Senatynyń Tóraǵasy Qaırat Mámıdiń tóraǵalyq etýimen bolǵan palata bıýrosynyń otyrysynda Májilis maquldaǵan zań jobalaryn odan ári qarastyrý úshin negizgi komıtetter belgilendi.
Bıýro otyrysynda Zańnama jáne quqyqtyq máseleler komıtetine «Qazaqstan Respýblıkasynyń keıbir zańnamalyq aktilerine uıymdasqan qylmysqa qarsy is-qımyl máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasy men Koreıa Respýblıkasy arasyndaǵy Qylmystyq ister boıynsha ózara quqyqtyq kómek týraly shartty ratıfıkatsııalaý týraly» zań jobalary zerdeleýge berildi.
Al «Bilim týraly» Qazaqstan Respýblıkasynyń Zańyna ózgerister men tolyqtyrýlar engizý týraly» zań jobasy boıynsha Áleýmettik-mádenı damý komıteti bas komıtet bolyp belgilendi.
Ekonomıkalyq jáne óńirlik saıasat komıteti «Baǵa belgileý men tarıftik saıasat negizderin qosa alǵanda, elektr energetıkasy salasyndaǵy tabıǵı monopolııalardyń qyzmetterine qol jetkizýdi qamtamasyz etý týraly kelisimdi ratıfıkatsııalaý týraly» jáne «Kelisilgen makroekonomıkalyq saıasat týraly kelisimdi ratıfıkatsııalaý týraly» zań jobalaryn qaraıtyn boldy.
Qarjy jáne bıýdjet komıtetine «Biryńǵaı ekonomıkalyq keńistikke qatysýshy memleketterdegi qyzmetter kórsetý saýdasy jáne ınvestıtsııalar týraly kelisimdi ratıfıkatsııalaý týraly», «Ótpeli kezeń ishinde arnaıy qorǵaý, dempıngke qarsy jáne ótemaqy sharalaryn qoldaný tártibi týraly kelisimdi ratıfıkatsııalaý týraly» jáne «Ónerkásiptik sýbsıdııalardy berýdiń biryńǵaı qaǵıdalary týraly kelisimdi ratıfıkatsııalaý týraly» zań jobalary berildi. Osy komıtet «Úshinshi elderge qatysty arnaıy qorǵaý, dempıngke qarsy jáne ótemaqy sharalaryn engizý aldyndaǵy tergeýler maqsattary úshin tergeý júrgizetin organǵa málimetterdi, onyń ishinde qupııa aqparatty qamtıtyn málimetterdi berý tártibi týraly hattamany ratıfıkatsııalaý týraly» zań jobasyn da qarastyrady.
Halyqaralyq qatynastar, qorǵanys jáne qaýipsizdik komıtetine «Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkatsııalaý týraly» zań jobasy berildi.
Bıýro otyrysynda palatanyń aldaǵy, 23 maýsymda bolatyn jalpy otyrysynyń kún tártibi týraly komıtetterdiń usynystary qaraldy.
Jalpy otyrysta halyqaralyq kelisimder men sharttar týraly zań jobalarynyń toptamasy qaralatyn boldy.
Sondaı-aq qoldanystaǵy zańnamalarǵa turǵyn úı qatynastary, ıslamdyq qarjylandyrýdy uıymdastyrý, salyq salý, syrtqy memlekettik qarjylyq baqylaýdy jetildirý máseleleri boıynsha ózgerister men tolyqtyrýlar engizý týraly zań jobalaryn qaraý josparlanyp otyr.
Al «Qazaqstan Respýblıkasynyń keıbir zańnamalyq aktilerine quqyq qorǵaý qyzmetin jetildirý jáne qylmystyq zańnamany odan ári izgilendirý máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaraýǵa usynylady.
