Senat Tóraǵasy Qaırat Mámı barsha qazaqstandyqtardy Naýryz meıramymen quttyqtady
ASTANA. 19 naýryz. QazAqparat - QR Parlamenti Senatynyń Tóraǵasy Qaırat Mámı barsha qazaqstandyqtardy kele jatqan Naýryz merekesimen quttyqtady.
«Qurmetti qazaqstandyqtar! Barshańyzdy kele jatqan Ulystyń uly kúni - Naýryz meıramymen quttyqtaımyn. Negizi, elimizdiń batys aýmaǵynda naýryz meıramynyń toılaýy bastalyp ta ketti. Dástúr boıynsha 14 naýryz kúni Oral, Atyraý, Mańǵystaý jáne Aqtóbeniń keıbir aýdandarynda jyl basy - Amal meıramy «Kórisý» salt-dástúrimen bastalady. Osy kezde jasy kishiler jasy úlkenderdi izdep baryp, «Jasyńyz qutty bolsyn, jańa jyl qutty bolsyn!», - dep quttyqtap jatady. Barshańyzdy Jańa jyldaryńyzben quttyqtaımyn! Jastaryńyz qutty bolsyn. Jańa jylda Otanymyzǵa - bereke, birlik, yrys pen yntymaq, otbasylaryńyzǵa amandyq, baıandy baqyt pen molshylyq tileımin!», - dep jazdy Q.Mámı óziniń jeke blogyna.
