Senat Tóraǵasy Qasym-Jomart Toqaev AQSh Prezıdentiniń ıslam álemimen únqatysýdy ornyqtyrý jónindegi arnaıy ókili Feısal Abdýl Raýfty qabyldady

Ultaralyq jáne konfessııaaralyq kelisimdi qamtamasyz etý saıasatyna Qazaqstannyń aınymastyǵyn atap óte kelip Q.Toqaev Órkenıetter únqatysýyn nyǵaıtý jónindegi bizdiń elimizdiń kúsh-jigeri týraly habardar etti. Atap aıtqanda ol Qazaqstannyń bastamasy boıynsha ótip kele jatqan Álemdik jáne dástúrli dinder lıderleriniń Sezi jáne onyń Hatshylyǵynyń qyzmeti týraly áńgimeledi.

EQYU-nyń aldaǵy Astanada ótetin sammıtiniń basty taqyryptarynyń biri eýroatlatıkalyq jáne eýrazııalyq keńistiktegi toleranttyqty nyǵaıtý jáne mádenıetaralyq únqatysý bolyp tabylady. Shyǵys pen Batys arasyndaǵy órkenıetaralyq únqatysýdy ilgeriletý 2011 jylǵy Islam konferentsııasy uıymynyń tóraǵasy retindegi qyzmetiniń basty baǵyty bolyp belgilendi.

Bul turǵyda musylman álemimen qatynastaryn qalpyna keltirý jónindegi Prezıdent B.Obamanyń saıasaty bizdiń memleketimizdiń dinaralyq únqatysýdy nyǵaıtý jónindegi kúsh-jigerimen sáıkes keledi.

Q.Toqaev AQSh Prezıdenti B.Obamanyń musylman álemimen únqatysýdy ornyqtyrý jónindegi arnaıy ókili F.A.Raýftyń qyzmetine qoldaý bildirdi. Úkimettik emes «Cordoba Initiative» dinı uıymynyń tóraǵasy, ımam F.A.Raýf Manhettenge (Nıý-Iork) «Cordoba Initiative» ıslam mádenıet ortalyǵynyń qurylysyna bastamashy retinde belgili.

Bul bastamaǵa qarsylyq bildirý jaıyna qatysty aıtar bolsaq, Q.Toqaevtyń pikirinshe, munda keıbir kúshterdiń amerıka qoǵamyndaǵy túrli kóńil kúıge yqpal etýge tyrysýynan týyndaıtyn artyq saıasattandyrýdan aýlaq bolǵan jón.

Islam mádenıet ortalyǵy tóńiregindegi pikirsaıys boıynsha óz Ákimshiliginde oılaryn ortaǵa salǵan Prezıdent B.Obama Amerıka musylmandary AQSh-tyń basqa da azamattary sekildi ózderiniń mádenıet ortalyǵyn salýǵa quqyǵy bar ekenin, dinı senim bostandyǵy quqyǵyn júzege asyrýyn jaqtaıtynyn aıtty.

Senat tóraǵasy arnaıy ókil F.A.Raýfty 2012 jyly ótetin Álemdik jáne dástúrli dinder lıderleriniń IV Seziniń jumysyna qatysýǵa shaqyrdy.

F.Raýf Prezıdent Nursultan Nazarbaevtyń basshylyǵymen Qazaqstan qol jetkizgen tabystardy jáne musylman álemi men Batys arasyndaǵy únqatysýdy nyǵaıtýdaǵy qazaqstandyq basshynyń úlesin joǵary baǵalady.

Álemdik jáne dástúrli dinder lıderleriniń Sezine shaqyrýdy rızashylyqpen qabyldaǵan arnaıy ókil: «Kóptegen ulttar men konfessııalar beıbit jáne kelisimmen ómir súrip jatqan Sizderdiń elderińiz álemge konfessııaaralyq jáne mádenıetaralyq tatý ómir súrýdiń tabysty tájirıbesin kórsetip otyr»,-dedi.