Senat Tóraǵasy Q.Toqaev Elbasynyń bes ınstıtýttyq reformasyna Bıýro músheleriniń nazaryn aýdardy

ASTANA. QazAqparat - 16 naýryzda Qasym-Jomart Toqaev Parlament Senaty Bıýrosynyń otyrysyn ótkizdi. Senat Tóraǵasy Memleket basshysynyń prezıdenttik saılaýǵa qatysýǵa kelisim berýi Qazaqstannyń tabysty memlekettik qurylysy men táýelsizdigin nyǵaıtýdyń mańyzdy alǵysharty bolyp tabylatynyn atap ótti.

Q.Toqaev «Nur Otan» partııasynyń Sezinde Qazaqstan Prezıdenti N.Á.Nazarbaevtyń basymdyq retinde aıqyndaǵan bes ınstıtýttyq reformalarǵa nazar aýdardy. Senat Tóraǵasy olardy júzege asyrý úshin kúsh-jigerdi biriktirý qajettigin, bizdiń memleketimizdi keshendi túrde jańǵyrtý maqsatyna qyzmet etetine toqtaldy.

Bıýroda Palatanyń 2015 jylǵy 19 naýryzda bolatyn kezekti otyrysynyń kún tártibi boıynsha usynystar engizildi. Otyrysta: «Táýelsiz Memleketter Dostastyǵyna qatysýshy memleketterdiń ıntegratsııalanǵan valıýta naryǵyn uıymdastyrý salasyndaǵy yntymaqtastyq týraly kelisimdi ratıfıkatsııalaý týraly»; «Qazaqstan Respýblıkasynyń keıbir zańnamalyq aktilerine tabıǵı monopolııalar jáne retteletin naryqtar máseleleri boıynsha ózgerister men tolyqtyrýlar engizý týraly» (birinshi oqylym); «Qazaqstan Respýblıkasynyń keıbir zańnamalyq aktilerine saqtandyrý jáne ıslamdyq qarjylandyrý máseleleri boıynsha ózgerister men tolyqtyrýlar engizý týraly» (ekinshi oqylym) zań jobalaryn qaraý josparlandy.