Senat Tóraǵasy Q.Mámı Shymkent mańyndaǵy áýe apatynda qaza tapqandardyń týystary men jaqyndaryna kóńil aıtty
ASTANA. 26 jeltoqsan. QazAqparat - QR Parlament Senatynyń Tóraǵasy Qaırat Mámı 25 jeltoqsan kúni OQO-da bolǵan qaıǵyly oqıǵaǵa baılanysty kóńil aıtty.
«Kóńil aıtamyn. Shymkent túbinde UQK Shekara qyzmeti basshylyǵynyń basqarýyndaǵy AN-72 ushaǵynyń ekıpajy áskerı qyzmetkerleriniń qaza tabýy týraly habarlama meni kúızeltti. Bul elimiz úshin úlken qaıǵyly oqıǵa. Qaza tapqandardyń týystary men jaqyndaryna kóńil aıtamyn», - dep atap ótti Q.Mámı óz blogynda.
