Senat Tóraǵasy EýrAzEQ Parlamentaralyq Assambleıasynyń sharalaryna qatysady
ASTANA. 22 jeltoqsan. QazAqparat /Qanat Mámetqazyuly/ - QR Parlamenti Senatynyń Tóraǵasy Qaırat Mámı bıylǵy 22-23 jeltoqsanda EýrAzEQ Parlamentaralyq Assambleıasynyń Sankt-Peterbýrgtegi (Reseı Federatsııasy) sharalaryna qatysady.
Bul týraly Senattyń baspasóz qyzmetinen habarlandy.
Shara barysynda uıym Bıýrosynyń jáne EýrAzEQ Parlamentaralyq Assambleıasynyń otyrystary bolady. Otyrystyń kún tártibine EýrAzEQ Parlamentaralyq Assambleıasynyń tóraǵasyn saılaý jáne Eýrazııalyq ekonomıkalyq qoǵamdastyǵy Sotynyń múshelerin taǵaıyndaý engizilgen bolatyn. Budan bólek, EýrAzEQ PAA Turaqty komıssııalarynyń birlesken otyrystarynda kedendik retteý, shekaralyq, saýda, agroónerkásip saıasaty, tabıǵatty paıdalaný jáne ekologııa salalary boıynsha parlamentaralyq ózara is-qımyl máselelerin talqylaý josparlanyp otyr.
Sankt-Peterbýrgke sapary barysynda Parlament Senatynyń Tóraǵasy Q.Mámı TMD PAA Keńesiniń Bas hatshysy M.Krotovpen kezdesetini josparlanǵan.
