Senat Tóraǵasy elimizdiń belgili memleket jáne qoǵam qaıratkerlerimen kezdesti

Q.Toqaev Qazaqstan Respýblıkasynyń memlekettigi men egemendigin nyǵaıtýǵa, ulttyq zańnama júıesin jetildirýge jáne qazaqstandyq parlamentarızmdi damytýǵa qosqan qomaqty úlesi úshin Ádil Ahmetov, Oralbaı Ábdikárimov, Ómirbek Baıgeldı, Tileýhan Qabdrahmanov, Ábish Kekilbaev, Kenjeǵalı Saǵadıev, Sergeı Tereşenko, Saǵynbek Tursynov, Ravıl Shyrdabaev, Zınaıda Fedotova jáne Seıilbek Shaýhamanovty Qazaqstan Respýblıkasy Parlamenti Senatynyń Qurmet gramotasymen marapattady.

Senat Tóraǵasy marapatqa ıe bolǵan jandardyń táýelsiz Qazaqstannyń ómirinde erekshe oryn alatynyn aıta kelip, Qazaqstan memlekettiligin nyǵaıtýǵa yqpal etken tarıhı sheshimderdi qabyldaýǵa olardyń qomaqty úles qosqanyn atap ótti. «Sizderdiń belsendi azamattyq kózqarastaryńyz, asa mańyzdy qoǵamdyq jobalardy iske asyrýǵa, jetkinshek urpaqty otanshyldyqqa tárbıeleý úderisterine nátıjeli qatysýlaryńyz jáne Sizderdiń jastarǵa kómek qolyn sozýǵa shynaıy umtylystaryńyz zor qurmetke laıyq», - dedi Senat Tóraǵasy. Kezdesýge qatysýshylar Memleket basshysy N.Nazarbaevtyń «Nurly jol» Joldaýyn talqylady. «Qujatta qarqyndy damyp kele jatqan memleket retinde jahandyq daǵdarystan shyǵýdyń dáıekti jospary mazmundalǵan. Ortalyq Azııadaǵy jetekshi memlekettiń daǵdarysqa qarsy sharalaryna halyqaralyq qarjy ınstıtýttary da, bedeldi sarapshy toptary da jiti nazar aýdaryp otyr», - dep atap ótti Senat Tóraǵasy.