Senat Tóraǵasy EQYU Bas hatshysyn qabyldady
sp;ASTANA. Qarashanyń 12-si. QazAqparat. Búgin Parlament Senatynyń Tóraǵasy Qasym-Jomart Toqaev EQYU Bas hatshysy Mark Perren de Brıshambony qabyldady,
dep habarlaıdy Senattyń baspasóz qyzmeti.
Kezdesý barysynda Qazaqstannyń halyqaralyq uıymǵa aldaǵy tóraǵalyq etýdegi kún tártibiniń ózekti máseleleri boıynsha pikir almasyldy.
Tóraǵa Uıymnyń Bas hatshysyn 2010 jyldyń mamyr aıynda Almaty qalasynda ótetin «EQYU eýrazııalyq ólshemi» parlamenttik konferentsııasyn ótkizýge qatysty daıyndyq sharalarynyń barysymen habardar etti.
Osy rette, Q.Toqaev Mark Perren de Brıshambony forým jumysyna baıandamashy retinde qatysýǵa shaqyrdy.
Tóraǵa Qazaqstannyń EQYU tóraǵalyq etýine qatysty toqtala kelip, bul baǵytta barlyq memlekettik organdardyń, onyń ishinde Parlamenttiń qatysýymen úlken daıyndyq jumystary júrgizilip jatqandyǵyn atap ótti.
«Uıymǵa tóraǵalyq etý úlken jaýapkershilik júkteıdi, biz qaterlerdi qaıtalap baǵalaı almaımyz. Biz EQYU úlken otbasynda konsensýsqa jetetinimizge senimdimiz»,- dedi Q.Toqaev.
Tóraǵa aldaǵy mıssııanyń oıdaǵydaı júzege asyrylýyn EQYU qundylyqtaryn onyń jaýapkershiligi taraıtyn barlyq keńistikte ilgeriletýge eleýli úles qosyp júrgen Uıymnyń Parlamenttik Assambleıasynyń belsendi qyzmetimen baılanystyrady.
Mark Perren de Brıshambo Qazaqstannyń tóraǵalyq etý kezinde «Korfý protsesin» tıimdi damytý jolyndaǵy mańyzdy rolin atap ótti.
EQYU Bas hatshysynyń pikirinshe, Qazaqstannyń «tıimdi dıalog quryp, qaýipsizdik, ekonomıka, qorshaǵan ortany qorǵaý salalaryndaǵy máselelerdi alǵa jyljytý isinde aıtýly jetistikterge jetýge» tolyq múmkindigi bar.
