Senat tóraǵasy Chehııa jáne Japonııa elshilerin qabyldady
ASTANA. QazAqparat - Parlament Senatynyń tóraǵasy Qasym-Jomart Toqaev Chehııa Respýblıkasynyń Qazaqstandaǵy elshisi Elıshka Jıgovany jáne Japonııanyń bizdiń elimizdegi elshisi Itıro Kavabatany dıplomatııalyq qyzmetteriniń aıaqtalýyna baılanysty qabyldady. Bul týraly Senattyń baspasóz qyzmeti habarlaıdy.
Senat tóraǵasy Qazaqstan men sol memleketterdiń arasyndaǵy saıası, ekonomıkalyq jáne mádenı-gýmanıtarlyq salalardaǵy jan-jaqty yntymaqtastyqty nyǵaıtýdaǵy nátıjeli ári aýqymdy eńbekteri úshin elshilerge alǵys bildirdi.
Q.Toqaev Chehııaǵa qatysty bizdiń memleketterimizdiń arasyndaǵy eń joǵary deńgeıdegi qarym-qatynastar, onyń ishinde zań shyǵarý organdarynyń únqatysýy qarqyndy sıpatqa ıe bolǵanyn atap ótti. Chehııa Parlamenti qos palatalarynyń basshylary Astanaǵa birneshe ret saparlap kelgen bolatyn.
Qazaqstan men Japonııa arasyndaǵy yntymaqtastyq týraly aıta kelip, Senat tóraǵasy Elbasynyń 2016 jylǵy qarasha aıynda Japonııaǵa jasaǵan saparynyń erekshe mańyzyna toqtaldy. Q.Toqaev Japonııa Parlamentimen qatynastardy odan ári nyǵaıtýǵa yqylasty ekenin aıtyp, saýda-ekonomıkalyq jáne ınvestıtsııalyq yntymaqtastyqty damytýdyń zor keleshegin atap ótti.
Q.Toqaev elshilerge alǵys hattaryn tabystady. 
