Senat Tóraǵasy BUU Joǵarǵy Komıssary bosqyndar isi jónindegi Basqarmasynyń QR Ókildiginiń basshysy Saber Azamdy qabyldady
ASTANA. Naýryzdyń . QazAqparat - Búgin Parlament Senatynyń Tóraǵasy Qasym-Jomart Toqaev BUU Joǵarǵy Komıssary bosqyndar isi jónindegi Basqarmasynyń Qazaqstan Respýblıkasyndaǵy Ókildiginiń basshysy Saber Azamdy qabyldady,
dep habarlady Senattyń baspasóz qyzmetinen.
Kezdesý barysynda Qazaqstan Respýblıkasy men BUU JKBB arasyndaǵy yntymaqtastyqtyń ózekti máseleleri talqylandy.
«Biz bosqyndarmen jaǵdaıdy turaqtandyrýǵa jáne jaqsartýǵa baǵyttalǵan BUU JKBB qyzmetin joǵary baǵalaımyz. Bosqyndar men kóship-qonýshylar quqyqtaryn qorǵaý - bizdiń elimizdegi basym mindetterdiń biri»,-dedi Q.Toqaev.
Tóraǵanyń aıtýynsha, Qazaqstan zańsyz kóship-qonýshylarmen, adam saýdasymen jáne uıymdasqan qylmyspen kúreste kórshi memlekettermen yntymaqtastyqqa erekshe mańyz beredi.
Q.Toqaev ústimizdegi jylǵy mamyrda Almatyda «EQYU-nyń eýrazııalyq ólshemi» Transazııalyq parlamenttik jıyny ótetini týraly S.Azamdy habardar etip, BUU JKBB ókilderin osy sharaǵa qatysýǵa shaqyrdy.
S.Azam BUU JKBB-men yntymaqtastyǵy úshin qazaqstandyq tarapqa alǵys aıtyp, Qazaqstan Respýblıkasy men BUU JKBB arasyndaǵy ekijaqty qarym-qatynastardy odan ári belsendilendirý jaıynda oılaryn bildirdi.
