Senat Tóraǵasy «Atlantıkalyq keńes» basshysymen kezdesti
ASTANA. QazAqparat - Búgin Parlament Senatynyń Tóraǵasy Qasym-Jomart Toqaev «Atlantıkalyq keńes» prezıdenti Frederık Kempti qabyldady, dep habarlaıdy QazAqparat palatanyń baspasóz qyzmetine silteme jasap.
Qasym-Jomart Toqaev yqpaldy amerıkalyq analıtıkalyq ortalyqtyń basshysymen áńgime barysynda Qazaqstan men AQSh arasyndaǵy strategııalyq seriktestikti nyǵaıtýdyń mańyzdylyǵyn atap ótti. Sonymen qatar, Senat spıkeri Aq úıdiń jańa ákimshiligimen Astananyń arasyndaǵy yntymaqtastyqtyń negizgi baǵyttary ıadrolyq qaýipsizdik, saýda-ekonomıkalyq jáne ınvestıtsııalyq yntymaqtastyq, terrorızmge qarsy kúres, sondaı-aq ózekti halyqaralyq máseleler dep sanaıtynyn jetkizdi.
Taraptar Ortalyq Azııadaǵy halyqaralyq jaǵdaıdy jáne aımaqtyq qaýipsizdik máselelerin de talqylady.
