Senat Tóraǵasy Astanada ótip jatqan EQYU Sammıtine qatysýshylarmen kezdesti
ASTANA. 2 qarasha. QazAqparat - Búgin Parlament Senatynyń tóraǵasy Qasym-Jomart Toqaev Astanada ótip jatqan EQYU Sammıti aıasynda Vatıkannyń Memlekettik hatshysy kardınal Tarchızıo Bertonemen kezdesti,
dep habarlaıdy Senattyń baspasóz qyzmeti.
Kezdesý barysynda halyqtar arasyndaǵy beıbitshilik pen kelisimdi saqtaýdaǵy mańyzdy quraldardyń biri bolyp otyrǵan dinaralyq dıalogtyń damýy jónindegi Qazaqstan men Vatıkannyń ózara is-qımyl máseleleri talqylandy.
Spıker Qasıetti taqtyń memlekettik hatshysyn Álemdik jáne dástúrli dinder sezin ótkizýge kórsetken kómegi úshin alǵysyn aıtyp, qazirgi tańda jumys toby aıasynda 2012 jyly Astanada ótedi dep josparlanyp otyrǵan dinder kóshbasshylarynyń tórtinshi kongresine daıyndyqtyń júrip jatqanyn atap ótti.
Toleranttylyq saıasaty men dinderge degen qurmet ortaq strategııamyzdyń úzdiksiz faktory bolyp tabylatynyn aıtqan Q.Toqaev: «Bizdiń elimiz dinaralyq dıalog pen kelisim taqyrybyna basa nazar bóledi», - dedi.
2011 jyly Qazaqstan Islam Konferentsııasy Uıymyn basqarady. «Bizdiń elimiz osy tóraǵalyq kezinde ustamdy ári órkenıetti ıslamdy ilgeriletý ıdeıasyn alǵa jyljytyp, ártúrli dinder arasyndaǵy baılanysty jalǵastyra berýge múddeli», - dedi spıker.
T. Bertone Qazaqstannyń dinaralyq dıalogty damytýdaǵy bastamalaryna joǵary baǵa berip, «beıbitshilik pen kelisim arqyly biz tyǵyz yntymaqtastyq pen baýyrlas qarym-qatynas ornata alamyz», - dep atap ótti.
Sondaı-aq búgin Senat spıkeri Qasym-Jomart Toqaev Ýkraınanynyń syrtqy ister mınıstri Konstantın Grışenkony qabyldady. Kezdesý barasynda ekijaqty qarym-qatynasty, sonyń ishinde parlamentaralyq ózara is-qımyl deńgeıindegi qarym-qatynasty nyǵaıtý máseleleri talqylandy.
