Senat Tóraǵasy: Almatylyq «Qaıratty» quttyqtaımyn, qaraǵandylyq «Saryarqaǵa» jeńis tileımin!
ASTANA. 30 sáýir. QazAqparat - QR Parlamenti Senatynyń Tóraǵasy Qaırat Mámı ınternettegi óziniń jeke paraqshasy arqyly almatylyq «Qaıratty» quttyqtap, qaraǵandylyq «Saryarqaǵa» jeńis tiledi.
«ÝEFA kýbogy úshin máskeýlik «Dınamomen» oıynda aıqyn jeńiske jetken almatylyq «Qaırat» shaǵyn fýtbol komandasyn jáne barlyq qazaqstandyq jankúıerlerdi quttyqtaımyn! Bul bizdiń klýbtyń uzaq kútkizgen jáne shyn mánindegi jeńisi bolyp tabylady. Al búgin Qaraǵandyda jergilikti «Saryarqa» hokkeı komandasy men neftekamskilik «Toros» klýby arasynda Bratına kýbogy úshin jetinshi sheshýshi match bolady. «Saryarqa» hokkeıshilerine «Qaırat» komandasynyń tabysyndaı jeńis tileımin!», - dep jazdy paraqshasyna Senat spıkeri.
