Senat Tóraǵasy, Álemdik jáne dástúrli dinder lıderleri sezi Hatshylyǵynyń basshysy Qasym-Jomart Toqaev Frantsııa Mıtropolıti Emmanýılmen jáne Ravvın Meır Denınomen kezdesti
ASTANA. Jeltoqsannyń 2-si. QazAqparat. Búgin Parlament Senatynyń Tóraǵasy, Álemdik jáne dástúrli dinder lıderleri sezi hatshylyǵynyń basshysy Qasym-Jomart Toqaev Astanadaǵy Beıbitshilik jáne kelisim saraıynda ótip jatqan Álemdik jáne dástúrli dinder lıderleri sezi hatshylyǵynyń kezekti, toǵyzynshy otyrysy aıasynda Frantsııa Mıtropolıti Emmanýılmen kezdesti,
dep habarlady Senattyń baspasóz qyzmeti.
Kezdesý barysynda konfessııaaralyq kelisim men órkenıetter arasyndaǵy únqatysýdy qalyptastyrý jáne nyǵaıtý jónindegi Prezıdent Nursultan Nazarbaevtyń bastamasyn odan ári damytý máseleleri talqylandy.
Tóraǵa Konstantınopol shirkeýiniń basshysy, patrıarh Varfolomeıge sálem joldap, dinı sammıt jumysyna belsendi qatysqany úshin júzdesýshige alǵys aıtty.
Q.Toqaevtyń pikirinshe, dinı qaıratkerler ǵana emes, belgili saıasatkerlerdiń Sezge qatysýy onyń mańyzdy erekshelikteriniń qataryna jatady.
Mıtropolıt Emmanýıl Qazaqstan Prezıdentiniń bastamasymen ótkiziletin dinı jıynnyń rólin joǵary baǵalap, dinder men órkenıetter arasyndaǵy jahandyq únqatysýdyń yqpaldy jaǵy retinde Sezdiń ereksheligin atap ótti.
Ravvın Meır Denınomen kezdesý barysynda Q.Toqaev Sezdiń jumysyna turaqty jáne belsendi túrde syndarlylyqpen qatysqany úshin Bas sefardtyq ravvın ókiline alǵys aıtty.
Sondaı-aq dinı tózimdilik, únqatysý men ózara senimdi ornyqtyrý jónindegi Prezıdent N.Nazarbaevtyń bastamalaryn odan ári júzege asyrý máseleleri boıynsha pikir almasyldy.
