Senat tóraǵasy AQSh Elshisin qabyldady
NUR-SULTAN. QazAqparat - Parlament Senatynyń Tóraǵasy Darıǵa Nazarbaeva AQSh-tyń Qazaqstandaǵy Elshisi Ýılıam Mozerdi qabyldady. Bul týraly QazAqparat Senattyń baspasóz qyzmetine silteme jasap habarlaıdy.
Kezdesý barysynda ekijaqty yntymaqtastyqty, onyń ishinde parlamentaralyq únqatysýdy tereńdetý máseleleri talqylandy.
Taraptar eki eldiń parlamentshileriniń de, Qazaqstan Senaty men AQSh Kongresiniń apparat qyzmetkerleri arasyndaǵy baılanystardy odan ári damytýdy jaıynda aıtty.
Saýda-ekonomıkalyq, atap aıtqanda shıkizattyq emes sektordaǵy yntymaqtastyqtyń keleshegi talqylandy. Ótken jyly bizdiń elderimiz arasyndaǵy taýar aınalymy 37 paıyzǵa ósip, 2,24 mlrd dollardy qurady. Bul rette Qazaqstannyń AQSh-qa eksporty 2,5 esege ósti. «Biz osy jetistikterdi maqtan tutamyz», - dedi Ýılıam Mozer.
AQSh elshisi amerıkalyq kompanııalar et ónimderi, atap aıtqanda EAEO jáne Qytaı naryǵyna eksporttaý jónindegi birlesken jobalarǵa múddeli ekenin atap ótti. Senat basshysy agroónerkásip sektorynda júrgizilgen reformalar, basqa da ózekti máseleler týraly aıtyp, amerıkandyq áriptesterdi ózderiniń ozyq tájirıbelerin almasýǵa shaqyrdy.
Qazaqstan men AQSh-tyń aımaqtyq qaýipsizdikti qamtamasyz etý salasyndaǵy yntymaqtastyǵy týraly aıta kelip, taraptar Aýǵanstandaǵy qaqtyǵysty retteýdegi ózara is-qımyldyń mańyzdy máselelerin atap ótti. D.Nazarbaeva Qazaqstanda ótken «Aýǵanstandaǵy áıelderdiń quqyqtary men múmkindikterin keńeıtý» konferentsııasy týraly, aýǵan qyzdaryn dárigerlik mamandyqtarǵa oqytý jónindegi Qazaqstan, Ózbekstan jáne EO-men úsh jaqty baǵdarlamasynyń iske qosylǵany týraly habardar etti.
Osyǵan baılanysty áıelderdiń jahandyq damýy men órkendeýi jónindegi Ivanka Tramptyń bastamasynyń mańyzy atap ótildi. Joba damýshy elderdegi 50 mln áıelderge óziniń ekonomıkalyq áleýetin júzege asyrýǵa kómektesýge arnalǵan.
«Biz osy bastamany Ortalyq Azııa men Aýǵanstanda júzege asyrýda óńir áıelderine ózderiniń ekonomıkalyq áleýetin júzege asyrýǵa múmkindik berý maqsatynda yntymaqtasýǵa daıynbyz», - dep atap ótti D. Nazarbaeva.
