Senat tóraǵasy: keıbir tólemderden túsken qarajat baqylaýsyz qalyp otyr
ASTANA. KAZINFORM – Kvazımemlekettik kompanııalardyń esepshotynda eleýli qarjy túsimderi bar bolǵanyna qaramastan, olarǵa bıýdjetten qosymsha qomaqty somalar bólinedi. Al, olardy tıimdi paıdalaný máselesi kóńil kóńshitpeıdi. Osy oraıda Senat tóraǵasy Máýlen Áshimbaev mundaı shemanyń oryndylyǵyna kúmán keltirdi.
Palata spıkeriniń aıtýynsha, bul qarajatty Memleket basshysynyń tapsyrmalaryna sáıkes óńirlerdiń qajettilikterine jáne olardy damytýǵa jumsaýǵa bolar edi.
M. Áshimbaev atap ótkendeı, parafıskaldyq tólemderdi jınaý jáne paıdalaný tetikteri ashyq emes. Tek «QazAvtoJol» men «Jasyl Damý» kompanııalaryna ǵana bıýdjetten 730 mlrd teńge bólingen. Sonymen qatar, qarajattyń jumsalýy týraly eseptilik árdaıym turaqty jáne tolyq kólemde berilmeıdi. Bul tıimsiz paıdalaný qaýpin týǵyzady jáne qoǵamnyń senimin tómendetedi.
«Búgin tsıfrlarda aıtylǵandaı, eki tolyq emes jylda «QazAvtoJol» kompanııasynyń esepshotyna 130 mlrd teńge tústi. Sondaı-aq «Jasyl Damý» kompanııasy jumys isteıdi. Ótken jáne aıaqtalmaǵan osy jylda onyń esepshotyna 600 mlrd teńge tústi. ıAǵnı, bul jetkilikti úlken rezervter. Mine, qazir biz óńirler úshin qarajat izdep jatyrmyz, mysaly, ınfraqurylymǵa 1 mlrd nemese 500 mln. Biz osy eki kompanııaǵa, basqalary týraly ázirge aıtpaı-aq qoıalyq, bıýdjetten qarajat bólinýi jalǵasyp jatqanyn kórip otyrmyz. Atap aıtqanda, 2026 jylǵa qarjy qarajaty bıýdjette qosymsha qarastyrylǵan. Sáıkesinshe, suraq týyndaıdy: nege biz olarǵa qosymsha qarajat qarastyramyz? Sondaı-aq bul kompanııalardyń qarajatyn baqylaýǵa qatysty da másele bar. Aqsha Biryńǵaı qazynashylyq shotty aınalyp ótip jatyr. Demek, bul qarajatqa parlamenttik jáne qarjylyq baqylaý álsiregen, bıýdjettik rásimder oryndalmaıdy. ıAǵnı, tártip joq jáne osy qarajatty utymdy paıdalaný týraly suraq týyndaıdy», – dedi Senat tóraǵasy palatanyń jalpy otyrysynda.
Bul turǵyda M. Áshimbaev kelesi jyly jumys barysynda osy máselelerdi eskerýdi, olar boıynsha sheshim qabyldaýdy usyndy.
Budan buryn habarlanǵandaı, búgin Senattyń jalpy otyrysynda «2026 – 2028 jyldarǵa arnalǵan respýblıkalyq bıýdjet týraly» Zań talqylandy. Senat qujattyń jekelegen baptaryn jańa redaktsııada usynyp, ony Májiliske qaıtardy.