Senat tóraǵasy: qazir búkil álem ınvestıtsııa úshin kúresip jatyr

ASTANA. KAZINFORM – Senat tóraǵasy Máýlen Áshimbaev qazir ekonomıkamyzdy ártaraptandyrý jáne ekonomıkalyq ósimniń joǵary deńgeıin qamtamasyz etý elimizdiń aldynda turǵan mańyzdy mindetter ekenin atap ótti.

«Prezıdentimiz Qasym-Jomart Kemeluly Toqaev ekonomıkany ártaraptandyrý jáne ekonomıkalyq ósimniń joǵary deńgeıin qamtamasyz etý jóninde naqty mindetter júktedi. Qazirgi tańda osy baǵytta aýqymdy jumys atqarylyp jatyr. Banktermen jumys istep jatyrmyz. Bul baǵytta ınvestıtsııa tartý – mańyzdy shart. Jalpy, qazir Qazaqstan ǵana emes, búkil álemde ınvestıtsııa úshin úlken kúres, báseke júrip jatyr. ıAǵnı, qolaıly jaǵdaı jasap jatqan basqa da memleketter bar. Sol sebepti, biz ózimizdegi ınvestıtsııalyq ahýaldyń ózge memleketterge qaraǵanda tartymdy bolýyn nemese odan kem bolmaýyn qamtamasyz etýimiz kerek», – dedi M. Áshimbaev Senattyń jalpy otyrysynda.

Palata Spıkeri Qatar memleketinen ınvestıtsııa tartý máselesine nazar aýdaryp, jaqyn arada ulttyq ekonomıkaǵa aıtarlyqtaı qarajat quıylatynyn, bul elimizdiń damýyna tyń serpin beretinin tilge tıek etti.

«Búgin qaralǵan Kelisim aıasynda osy baǵyttar boıynsha ınvestorǵa múmkindikter beriledi. Osy rette atalǵan jumystyń bári ulttyq zańnama aıasynda júrgiziletinin aıryqsha atap ótýimiz kerek. Úkimet bárin baqylap otyrady. Aldaǵy ýaqytta Kelisim jáne keletin ınvestıtsııalar elimizdiń damýyna, halyqtyń ál-aýqatyn arttyrýǵa jáne ekonomıkamyzdy jańa beleske shyǵarýǵa qyzmet etedi dep senemiz», – dedi Máýlen Áshimbaev.

Budan buryn habarlanǵandaı, búgin Senat otyrysynda Palata depýtattary «Qazaqstan Respýblıkasynyń Úkimeti men Qatar Memleketiniń Úkimeti arasyndaǵy basym salalardaǵy jobalardy damytý úshin uzaqmerzimdi strategııalyq áriptestik ornatý týraly kelisimdi ratıfıkatsııalaý týraly» zańdy qarap, maquldady.