Senat tazy men tóbet tuqymyn kóbeıtý týraly zań qabyldady

ASTANA. QazAqparat – Senattyń jalpy otyrysynda «Qazaqstan Respýblıkasynyń keıbir zańnamalyq aktilerine qazaqy ıt tuqymdaryn saqtaý jáne ósimin molaıtý máseleleri boıynsha ózgerister men tolyqtyrýlar engizý týraly» Zańy qabyldandy, dep habarlaıdy QazAqparat tilshisi.

Qujattyń negizgi maqsaty - qazaqy tazy jáne tóbet ıt tuqymdaryn saqtaý salasyndaǵy qyzmetti júzege asyrýdyń quqyqtyq, uıymdastyrýshylyq jáne ekonomıkalyq negizderin belgileý.

Atap aıtqanda, qazaqy ıt tuqymdaryn saqtaý jáne kóbeıtý salasyndaǵy memlekettik basqarýdyń negizgi qaǵıdattary belgilenedi. Qazaqy ıt tuqymdarynyń saqtalýyn qamtamasyz etý júıesine jaýapty memlekettik organdar men uıymdar aıqyndalady. Onda ýákiletti organnyń quzyretine qazaqy ıt tuqymdarynyń esebin júrgizý monıtorıngin júzege asyrý jáne qazaqy ıt tuqymdarynyń standarttaryn bekitý sııaqty fýnktsııalar jatqyzylady.

Budan basqa, qujatta ýákiletti organ aıqyndaǵan mamandandyrylǵan uıymnyń qurylymdyq bólimshesi bolatyn qazaqy ıt tuqymdarynyń ulttyq ortalyǵyn qurý, sondaı-aq qazaqy ıt tuqymdaryn saqtaý jáne kóbeıtý salasyndaǵy qyzmetti qarjylandyrý kózdeledi.

Senattyń jalpy otyrysynda zań jobasyn Parlament Májilisiniń depýtaty Eldos Abaqanov tanystyrdy.

«Ortalyqtyń negizgi quzyretine biryńǵaı asyl tuqymdy qazaqy tazy men tóbettiń kitabyn júrgizý, atalǵan tuqymdardyń standarttaryn ázirleý jáne basqa da mindetter kiredi. Sonymen qatar, zań jobasy kınologııalyq qyzmet uǵymdaryn, qazaqy tuqymdy ıttiń shyǵý tegi týraly kýálikti, biryńǵaı asyl tuqymdy kitapty, qazaq ıt tuqymdary men ulttyq ańshylyq uǵymyn aıqyndaıdy», - dedi depýtat.

Sondaı-aq zań jobasynda Qazaqstan Respýblıkasynyń ǵylymı uıymdary júzege asyratyn qazaq ıt tuqymdaryn saqtaý jáne kóbeıtý salasyndaǵy ǵylymı zertteýler jónindegi norma kózdelgen. Ǵylymı uıymdar ýákiletti organmen, ulttyq ortalyqpen, kınologııalyq qyzmetti júzege asyratyn qoǵamdyq birlestiktermen birlesip, bul salada memlekettik ǵylymı-tehnıkalyq baǵdarlamalar ázirleıdi.

Budan buryn habarlanǵandaı, atalǵan qujatty Májiliste talqylaý kezinde zań jobasynyń normalaryn iske asyrý úshin 1,4 mlrd teńge qajet bolatyny aıtylǵan edi. Bul soma 18 qazanda respýblıkalyq bıýdjet komıssııasynyń otyrysynda qoldaý tapty.

Eske salsaq, tamyz aıynda qazaqy tazy men tóbetti saqtaý máselesin Prezıdenttiń Іs Basqarmasy qolǵa alǵany habarlanǵan.

Foto: mydog.press