Senat sybaılas jemqorlyqqa yqpal etetin normalardy joıý máselelerin talqylady
ASTANA. 23 sáýir. QazAqparat - Búgin Qaırat Mámıdiń tóraǵalyq etýimen Parlament Senaty Bıýrosynyń otyrysy boldy.
Otyrysta Parlament Májilisinde maquldanǵan zań jobasy Senattyń turaqty komıteti men palata Apparatyna berildi.
Atap aıtqanda, «Qazaqstan Respýblıkasynyń keıbir zańnamalyq aktilerine ártúrli zańnamalyq aktilerdiń quqyq normalary arasyndaǵy qaıshylyqtardy, olqylyqtardy, kollızııalardy jáne sybaılas jemqorlyq quqyq buzýshylyqtar jasaýǵa yqpal etetin normalardy joıý máseleleri boıynsha ózgerister men tolyqtyrýlar engizý týraly» zań jobasyn odan ári zerdeleý úshin Konstıtýtsııalyq zańnama, sot júıesi jáne quqyq qorǵaý organdary komıteti bas komıtet bolyp belgilendi.
Bıýroda qoldanystaǵy zańnamaǵa ártúrli zańnamalyq aktilerdiń quqyq normalary arasyndaǵy qaıshylyqtardy, olqylyqtardy, kollızııalardy jáne sybaılas jemqorlyq quqyq buzýshylyqtar jasaýǵa yqpal etetin normalardy joıý máseleleri boıynsha ózgerister men tolyqtyrýlar engizý týraly zań jobasyn 2012 jylǵy 26 sáýirde bolatyn palatanyń jalpy otyrysynyń kún tártibine engizý týraly usynys qaraldy.
