Senat «Sybaılas jemqorlyqqa qarsy is-qımyl týraly» zańdy qabyldady
Qujattyń basty maqsaty sybaılas jemqorlyqqa qarsy is-qımyl salasyndaǵy zańnamany jetildirý arqyly, qoǵamda sybaılas jemqorlyqty joıý, jeke jáne zańdy tulǵalardyń quqyqtary men zańdy múddelerin qorǵaý bolyp tabylady. Sonymen birge qujattaǵy normalar memlekettik apparat pen ózge de salalarda sybaılas jemqorlyqtyń kórinýinen týyndaıtyn qaterlerden Qazaqstannyń ulttyq qaýipsizdigin qamtamasyz etýge baǵyttalady. Atap aıtqanda, qoldanystaǵy zańnamada belgilengen sybaılas jemqorlyq quqyq buzýshylyqtardyń basym bóligi formaldy jáne tártiptik sıpatta bolǵandyqtan, ári materıaldyq ıgilikter alýdy kózdemeıtindikten, zań jobasymen sybaılas jemqorlyq quqyq buzýshylyqtyń jańa kórinisteri engizilip otyr. Sybaılas jemqorlyqqa qarsy is-qımyl salasyndaǵy qoǵamdyq qatynastardy quqyqtyq retteýge, sondaı-aq sybaılas jemqorlyqqa qarsy saıasatyn iske asyrýǵa baǵyttalǵan. Budan bólek, qujat arqyly memlekettiń sybaılas jemqorlyqqa qarsy saıasatyn iske asyrý, sonymen birge sybaılas jemqorlyqqa qarsy is-qımyl sýbektileriniń qyzmetin úılestirý jónindegi ókilettikter berilgen ýákiletti organ aıqyndalady. «Sybaılas jemqorlyq», «sybaılas jemqorlyqqa qarsy saıasat», «sybaılas jemqorlyqqa táýekel» uǵymdary ashylady.
Sonymen birge zań jobasyna sáıkes, sybaılas jemqorlyqqa qarsy monıtorıng pen taldaý sharalary qamtylmaq. Bul rette sybaılas jemqorlyqqa qarsy monıtorıng barlyq sybaılas jemqorlyqqa qarsy is-qımyl sýbektilerimen júrgiziletin bolady. Ondaı monıtorıng nátıjeleri sybaılas jemqorlyq táýekelderine taldaý júrgizý úshin negiz bolyp tabylady. Sybaılas jemqorlyq táýekelderin taldaýdy barlyq sybaılas jemqorlyqqa qarsy is-qımyl sýbektileri de júzege asyratyny boljanǵan.
Aıta keterligi, sybaılas jemqorlyqqa qarsy monıtorıng pen sybaılas jemqorlyq táýekelderin taldaý sharalarynyń qorytyndysy boıynsha Sybaılas jemqorlyqqa qarsy is-qımyl jónindegi Ulttyq baıandama daıyndalyp, ol Memleket basshysynyń qaraýyna engiziletin bolady. Ulttyq baıandama álemdik jáne ulttyq deńgeıdegi sybaılas jemqorlyqqa qarsy is-qımyl salasyndaǵy jaı-kúıin taldaıdy jáne onyń damý úderisin qamtıtyn mańyzdy strategııalyq qujatqa aınalady. Budan bólek, Ulttyq baıandama anyqtalǵan sybaılas jemqorlyqtar týraly jáne onyń jolyn kesý men joıý faktileri qamtylady. Jalpy, Ulttyq baıandama týraly norma Nıderlandy men Sıngapýr sııaqty elderdiń sybaılas jemqorlyqqa qarsy tájirıbesine negizdelgen. Máselen, Nıderlandyda sybaılas jemqorlyqqa qarsy kúres júıesi rásimdik jáne ınstıtýtsıonaldyq sharalardy, atap aıtqanda, ishki ister mınıstriniń Parlamentke jyl saıyn baıandama usynýyn qamtıdy. Aıta keterligi, jaýapty memlekettik laýazymdardy atqaratyn adamdardyń, memlekettik fýnktsııalardy oryndaýǵa ýákilettik berilgen adamdardyń, olarǵa teńestirilgen adamdardyń, laýazymdy adamdardyń, sondaı-aq kórsetilgen fýnktsııalardy oryndaýǵa ýákilettik berilgen kandıdattar bolyp tabylatyn adamdardyń óz ókilettikterin jeke, toptyq jáne ózge de qyzmettik emes múddelerde paıdalanýyna ákep soǵýy múmkin teris paıdalanýǵa jáne áreketterdi jasaýǵa jol bermeý maqsatynda, olar ózderine shekteýlerdi jazbasha nysanda qabyldaýǵa mindetti bolmaq.
