Senat standartty úlgilerdi damytatyn kelisimdi ratıfıkatsııalady
Zań jobasy boıynsha negizgi baıandama jasaǵan QR Premer-Mınıstriniń orynbasary – Saýda jáne ıntegratsııa mınıstriniń atap ótýinshe, bul qujat qazaqstandyq taýarlardy, jumystar men qyzmetterdi jetkizýshilerge osy kelisimge qatysýshy elderge eksporttaý kezinde tizilimge engizilgen memlekettik standartty úlgilerdi qosymsha synaqtarsyz nemese zertteýlersiz paıdalanýǵa múmkindik beredi. Mundaı tásil otandyq kásipkerlerge óz aqshasy men ýaqytyn únemdeýge jol ashady.
«Osy kelisimdi ratıfıkatsııalaý arqyly kelisimge qatysýshy elderde synaqtar boıynsha qosymsha rásimder júrgizilmesten, Qazaqstanda ázirlengen standartty úlgilerdi tanýǵa múmkindik beredi. ıAǵnı, Qazaqstan Respýblıkasynda standartty úlgi óndirilip, synaqtardan jáne úlginiń tıpin bekitýden ótse, kelisimge qatysýshy basqa elder, qosymsha synaqtarsyz tehnıkalyq qujattamanyń saraptama nátıjelerin qosymsha synaqtarsyz moıyndaıdy», - dedi ol.
Osylaısha, onyń aıtýynsha, memleketaralyq mártebesi bar osy kelisimdi ratıfıkatsııalaý, metrologııa salasyndaǵy ólsheý nátıjelerine degen senimdi arttyryp, ónimniń sapasy men qaýipsizdigin qamtamasyz etedi.
«Memleketaralyq standartty úlgiler ekonomıkanyń túrli salalarynda suranysqa ıe jáne keńinen qoldanylady. Ulttyq tizilimde 634 standartty úlgi tirkelgen. Onyń ishinde, 337 standartty úlgi Memleketaralyq standartty úlgiler tizilimine engizdi. Osy jyly bizdiń Standarttaý jáne metrologııa ınstıtýty 163 standarttyq úlgilerdi ázirlegenin, olardyń Memleketaralyq standartty úlgiler tizilimine engizilgenin atap ótkim keledi», - dedi mınıstr.