Senat spıkeri: Jańa normalar aýyl turǵyndaryn jaıylymmen qamtamasyz etýdi kózdeıdi

NUR-SULTAN. QazAqparat – Zańnamaǵa jaıylymdardy paıdalaný máseleleri boıynsha ózgerister men tolyqtyrýlar engizý barysynda Qyrǵyzstan ısqıaty kórshi elderdiń tájirıbesi eskerildi. Senat tóraǵasy Máýlen Áshimbaev atalǵan zań jobalaryn tanystyrý kezinde osyndaı málimet berdi, dep habarlaıdy QazAqparat tilshisi.

«Buǵan deıin de jaıylym jerleri týraly másele qoǵamda qyzý talqylanǵanyn bilesizder. Sonyń nátıijesinde 2017 jyly arnaıy «Jaıylym týraly» Zań qabyldanǵan bolatyn. Jer máselelerin retteıtin Jer kodeksi de bar. Budan basqa Aýyl sharýashylyǵy mınıstrligi, jergilikti ókiletti jáne atqarýshy organdar tarapynan jaıylymdardy paıdalanýǵa qatysty kóptegen normatıvik-quqyqtyq aktiler qabyldanǵan. Biraq olar týyndaǵan máseleni sheshýge jetkiliksiz ekenin kórip otyrmyz. Sondyqtan Senat osy salaǵa basa mán berip, máseleni júıeli túrde kóterip keledi. Jalpy aýyldyq jerlerdi damytý – Senat jumysyndaǵy negizgi basymdyqtardyń biri», - dedi Máýlen Áshibaev.

Sondaı-aq, ol zań jobasy palata depýtattarynyń bastamasymen zárilengenin atap ótti.

«Jobany daıyndaý barysynda arnaıy dóńgelek ústelder, tıisti mamandarmen kqptegen kezdesýler ótkizildi. Halyqpen kezdesý barysynda da osy máseleler talqylandy. Zań jobasyna engiziletin ázirleý barysynda komıtet depýtattary kórshi elderdiń tájirıbelerin de nazar aýdardy. Sonyń aıasynda Qyrǵyzstanǵa baryp, jaıylymdardy basqarý men paıdalaný máselelerin zerdeledi. Osyndaı jumystardyń nátıjesinde búgin tanystyrylyp otyrǵan normalar ázirlendi. Árıne, qordalanǵan máseleniń bárin bir zańmen sheship tastaý múmkin emes. Biraq bizdiń bul áreketterimiz osy baǵyttaǵy problemalardy sheshýge oń áserin týǵyzady dep oılaımyz. Jalpy bul normalar jaıylymdardy tıimdi paıdalaný jáne aýyl turǵyndaryn jaıylymdyq jermen qamtamasyz etýdi kózdeıdi. Zań qabyldanyp jatsa, aldaǵy bar maqsattarǵa qol jetkizýge múmkindik beredi dep úmittenemiz», - dedi Senat tóraǵasy.