Senat Spıkeri Mıýnhendegi qaýipsizdik konferentsııasyna qatysýda
ASTANA. QazAqparat - 6 aqpan kúni Mıýnhen qalasynda qaýipsizdik boıynsha 51-shi konferentsııa óz jumysyn bastady.
Reıtıng agenttikteriniń pikirinshe, bul forým qazirgi zamandaǵy eń ózekti máselelerdi talqylaýǵa arnalǵan, belgili saıasatkerler, dıplomattar, qoǵam qaıratkerleri jáne kásipkerler qatysatyn bedeldi ári tanymal álemdik alań bolyp tabylady.
Forýmnyń bul jolǵy kún tártibinde - ýkraın shıelenisin retteý jáne ILIM (IGIL) terrorıstik tobynyń qyzmetin basýǵa qatysty máseleler bar.
Forýmda kóptegen qatysýshylar - prezıdentter men úkimet basshylary, syrtqy ister jáne qorǵanys mınıstrleri, halyqaralyq qatynastar sarapshylary bas qosty. Konferentsııa jumysynyń alǵashqy kúni NATO Bas hatshysy Iens Stoltenberg, Ulybrıtanııa men Frantsııanyń qorǵanys mınıstrleri, AQSh, QHR jáne basqa da elderdiń joǵarǵy laýazymdy ókilderi sóz sóıledi.
Memleket basshysy N.Nazarbaevtyń tapsyrmasy boıynsha Qazaqstan Parlamenti Senatynyń Tóraǵasy Qasym-Jomart Toqaev ta konferentsııaǵa qatysýda. Ol dıplomatııa jáne halyqaralyq qatynastar salasyna ınnovatsııalyq usynystar ázirleýmen aınalysatyn mamandar tobyna engen bolatyn.
