Senat spıkeri Majarstan mınıstrimen jáne Túrkitildes memleketter yntymaqtastyq keńesiniń bas hatshysymen kezdesti
ASTANA. QazAqparat - QR Parlamenti Senatynyń tóraǵasy Qasym-Jomart Toqaev Majarstan Syrtqy ister jáne syrtqy ekonomıkalyq baılanystar mınıstri Pıter Sıııartomen kezdesti, dep habarlaıdy QazAqparat.
Júzdesýde Senat spıkeri Majarstannyń «EKSPO-2017» halyqaralyq kórmesine qatysqany úshin rızashylyǵyn jetkizip, «jasyl tehnologııalar» salasynda eldiń tájirıbesi kórmeniń tabysty ótýine mańyzdy úles qosatynyna senim bildirdi. Sonymen qatar, Senat tóraǵasy eki memlekettiń zań shyǵarýshy organdary arasyndaǵy yntymaqtastyqtyń joǵary deńgeıde ekenin atap ótti jáne aldaǵy ýaqytta da parlamentaralyq baılanystardy keńeıte túsýge úndedi. Kezdesý barysynda saýda-ekonomıkalyq jáne gýmanıtarlyq baılanystardy damytý jaıy, sondaı-aq, halyqaralyq kún tártibindegi ózekti máseleler talqylandy.
Osy kúni Qasym-Jomart Toqaev Túrkitildes memleketter yntymaqtastyq keńesiniń bas hatshysy Ramıl Gasanovty qabyldady. Onda spıker Túrkitildes memleketter yntymaqtastyǵy keńesiniń altynshy sammıtine daıyndyq týraly habardar boldy. Sammıt ulttyq sport pen jastar saıasaty aıasyndaǵy túrki elderiniń yntymaqtastyǵyna arnalady. Sonymen qatar, taraptar jýyrda ótetin Túrkitildes elder basshylarynyń kezdesýi baýyrlas elder arasyndaǵy yntymaqtastyqty tereńdetýge serpin beretinin atap ótti.
Kezdesý barysynda Senat tóraǵasy R. Gasanovqa Túrki keńesiniń Bas hatshysy retinde belsendi jumys atqarǵany úshin alǵysyn bildirdi.
Aıta keterligi, Keńestiń kelesi Bas hatshysy etip qazaqstandyq ókildi saılaý josparlanǵan.
