Senat spıkeri Qyzyl Krest ókildiginiń basshysymen kezdesti
ASTANA. QazAqparat - Parlament Senatynyń tóraǵasy Qasym-Jomart Toqaev Halyqaralyq Qyzyl Krest komıteti aımaqtyq ókildiginiń basshysy Jan-Jerom Kasabıankany qabyldady. Kezdesý barysynda taraptar gýmanıtarlyq jobalardy birlesip júzege asyrý máselesin talqylady, dep habarlaıdy QazAqparat Senattyń baspasóz qyzmetine silteme jasap.
Q. Toqaev Halyqaralyq Qyzyl Krest komıtetiniń atqaryp júrgen isine qoldaý bildirip, ártúrli elderdegi bitimgerlik kúsh-jigerdi nyǵaıtýdaǵy uıymnyń qosqan úlesin erekshe atap ótti.
J. Kasabıanka Aýǵanstan men Sırııada qaýipsizdikti nyǵaıtyp, beıbitshilikti ornatýǵa, shıelenisterdiń aldyn alý men ıadrolyq qarýsyzdandyrýǵa baǵyttalǵan qazaqstandyq syrtqy saıası bastamalarǵa oń baǵasyn berdi.
HQKK ókildiginiń basshysy Qazaqstannyń BUU Qaýipsizdik Keńesindegi mańyzdy ornyn sóz etti.
Sondaı-aq, J.Kasabıanka Astanada «Taıaý Shyǵystaǵy gýmanıtarlyq jaǵdaı» taqyrybynda Qorǵanys jáne Syrtqy ister mınıstrlikteriniń ókilderine arnalǵan brıfıng ótip jatqanyn aıtty. Bul másele Qazaqstannyń BUU mıssııasyna qatysý úshin Lıvanǵa qatysty bitimgershilik operatsııasyn júzege asyrý sheshimimen asa tyǵyz baılanysty.
Taraptar HQKK men Qazaqstan Respýblıkasy arasyndaǵy ekijaqty yntymaqtastyqtyń keleshegin talqylady.
