Senat spıkeri Q. Toqaevtyń álemdik dıplomatııa týraly kitaby jaryq kóredi

ASTANA. QazAqparat - Shilde aıynyń sońyna taman Parlament Senatynyń tóraǵasy, belgili saıasatker Qasym-Jomart Toqaevtyń jańa kitaby jaryq kórmek. «Reflections at the United Nations» degen atpen basylatyn kitap álemdik dıplomatııa taqyrybyn ózek etken.

Senat baspasóz qyzmetiniń habarlaýynsha, kitapty «BUU-daǵy tolǵanystar» dep aýdarýǵa bolady. Oǵan Q.Toqaevtyń 2011 jylǵy sáýir men 2013 jylǵy qazan aralyǵyndaǵy kezeńde BUU Bas Hatshysynyń Orynbasary, BUU Jeneva bóliminiń Bas Dırektory, BUU Bas Hatshysynyń Jeke ýákili jáne Qarýsyzdaný jónindegi konferentsııanyń Bas Hatshysy bolǵan kezdegi aǵylshyn, frantsýz, orys jáne qytaı tilderinde sóılegen sózderi men málimdemeleri engen. Kitapta sonymen qatar, atalǵan kezeńderde jarııalanǵan maqalalary da bar.

«Qasym-Jomart Toqaev BUU jelisi boıynsha barlyq sharalardyń 70 paıyzyna jýyǵy ótetin, jahandyq konferentsııalyq ortalyq bolyp tabylatyn BUU-nyń Jenevadaǵy bólimin basqarǵan Azııanyń alǵashqy ókili boldy. Q.Toqaev ózin tıimdi basqarýshy retinde kórsetti, BUU Bas Hatshysy Pan Gı Mýn jáne halyqaralyq uıymdardyń basshylary onyń kezinde halyqaralyq dıplomatııadaǵy dúnıejúzilik ortalyq retinde Jeneva óziniń rólin kúsheıte tústi, dep sanaıdy», - delingen baspasóz baıanynda.

Q.Toqaevtyń kólemdi (800 betten astam) eńbegi dıplomattar, halyqaralyq uıymdardyń qyzmetkerleri men jas mamandarǵa zor yqylas týǵyzady.