Senat spıkeri Q. Mámı ardagerlerdi Jeńis kúnimen quttyqtady

ASTANA. 8 mamyr. QazAqparat -QR Parlamenti Senatynyń tóraǵasy Qaırat Mámı óziniń jeke blogynda Uly Otan soǵysynyń ardagerlerin 9 mamyr - Uly Jeńis kúni merekesimen quttyqtady.

«Qaharly kúnderde qaharmandyq pen qaısarlyqtyń úlgisin kórsetken elimizdiń aıbyndy ul-qyzdarynyń ulaǵatty ónegesin halqymyz eshqashan umytpaq emes. Sizderdiń beıbit ómir men jarqyn bolashaq jolyndaǵy Otan úshin ot keship, Uly Jeńiske jetkizgen erlikterińizge búgingi urpaq bas ıedi, qurmet tutady. Búginde beıbit ári yntymaqty el Qazaqstandy álem tanyp otyrsa, bul Sizderdiń el erteńi úshin janqııarlyqpen kúresken qaharman erlikterińizdiń arqasy. Men soǵys ardageriniń uly retinde Sizderdiń jan aıamaǵan erlikterińiz ben eren eńbekterińiz úshin sheksiz alǵysymdy aıta otyryp, ózderińizge uzaq ǵumyr, shańyraqtaryńyzǵa shattyq, elimizge tynyshtyq pen turaqtylyq tileımin», - dep jazady spıker Qaırat Mámı.