Senat spıkeri Elbasyna «Halyq qaharmany» ataǵyn berý týraly Zańǵa Memleket basshysynyń qol qoıatynyna senim bildirdi
ASTANA. 1 jeltoqsan. QazAqparat /Qanat Mámetqazyuly/ - Senat Tóraǵasy Qaırat Mámı Elbasyna «Halyq qaharmany» ataǵyn berý týraly Zańǵa Prezıdenttiń qol qoıatynyna senim bildirdi.
Esterińizge sala keteıik, búgingi otyrysynda Parlament Senaty Qazaqstan Respýblıkasynyń Tuńǵysh Prezıdenti - Elbasyna aıryqsha erekshelik belgisi - «Altyn juldyz» jáne «Otan» ordenin tapsyra otyryp, «Halyq qaharmany» ataǵyn beretin eki zańdy qabyldaǵan bolatyn.
«Búgingi otyrystaǵy mańyzdy sheshimniń qabyldanýy sımvolıkalyq jaǵdaıda ótip otyr jáne buny eshkim ádeıi uıymdastyrǵan da emes, óıtkeni osydan dál 20 jyl burynǵy 1991 jyly 1 jeltoqsanda bizdiń Tuńǵysh Prezıdentimiz Nursultan Ábishuly alǵash ret búkilhalyqtyq saılaýda jeńiske jetip, Qazaqstan Respýblıkasynyń Tuńǵysh Prezıdenti bolyp saılanǵan edi. Osynaý tarıhı kúnge dál búgin 20 jyl tolyp otyr», degen Senat tóraǵasy Qaırat Mámı Elbasy men búkil qazaqstandyqtardy osynaý mereıli kúnimen jáne búgingi qabyldanǵan mańyzy zor Zańymen quttyqtady. «Bul zańdarǵa Memleket basshysy qol qoıady degen senim bildiremin», - dedi Senat spıkeri.
