Senat spıkeri Elbasy atynan jańadan saılanǵan senatorlardy quttyqtady
ASTANA. QazAqparat - Búgin QR Parlamenti Senatynyń otyrysy jańa qurammen ótti. Onyń barysynda Senat spıkeri Qasym-Jomart Toqaev QR Prezıdenti N. Nazarbaev atynan jańadan qyzmetke kiriskeli otyrǵan depýtattardy quttyqtady.
«Senat depýtattaryn saılaý nátıjesinde palata quramynda aıtarlyqtaı ózgerister oryn aldy. Bizdiń qatarymyzǵa jergilikti máslıhattar depýtattarynyń tańdaýyna ıe bolǵan tájirıbeli mamandar, el basqarǵan isker basshylar jáne belgili qoǵam qaıratkerleri qosyldy. Osyǵan oraı Elbasy N. Nazarbaevtyń atynan jańadan saılanǵan Senat depýtattaryn quttyqtaýǵa ruqsat etińizder», - dedi Senat Tóraǵasy.
«Elimizdiń áleýmettik-ekonomıkalyq órleýin jáne halyqtyń ál aýqatyn odan ári jaqsartýdy kózdeıtin keshendi sharalardy zańnamalyq turǵydan qamtamasyz etýge baǵyttalǵan eńbekterińizdiń tabysty bolýyna tilektespin», - dedi Senat spıkeri.
Eske sala keteıik, jaqynda Ortalyq saılaý komıssııasy 2014 jyldyń 1 qazanyndaǵy saılaýda saılanǵan QR Parlamenti Senatynyń 16 depýtatyn resmı tirkeýden ótkizgen bolatyn.
