Senat spıkeri depýtattyq kanıkýl merzimin qysqartý týraly sheshim qabyldaýǵa shaqyrdy
ASTANA. QazAqparat - QR Parlamenti Senatynyń Tóraǵasy Qasym-Jomart Toqaev depýtattyq kanıkýl merzimin qysqartý týraly sheshim qabyldaýǵa shaqyrdy. Eske sala keteıik, besinshi shaqyrylǵan Parlamenttiń tórtinshi sessııasynyń ashylý barysynda QR Prezıdenti Nursultan Nazarbaev jazǵy depýtattyq kanıkýl merzimin qysqartýdy ótingen edi.
«Men Memleket basshysynyń depýtattyq kanıkýl merzimin qysqartý týraly ótinishine túsinistikpen qarap, tıisti sheshim qabyldaımyz dep senemin. Sonymen qatar, bizdi alda aýqymdy ári júıeli jumys kútip tur, sondyqtan da biz úlken jaýapkershilikti tereń sezinip, osy baǵytta belsendi jumys atqarýǵa tıispiz», - dedi Q. Toqaev búgin palatanyń jalpy otyrysynda. Budan bólek, Senat spıkeri elimizdiń aldynda turǵan strategııalyq mindetterdi sheshýde Parlament pen Úkimetten úılesimdi jáne jaýapty jumys talap etiletinin atap ótti.
