Senat ShYU memleketteri arasyndaǵy tótenshe jaǵdaılardy joıýda kómek kórsetý týraly kelisim hattamasyn qabyldady
ASTANA. 19 jeltoqsan. QazAqparat - Búgin QR Parlamenti Senatynyń jalpy otyrysynda palata depýtattary «2005 jylǵy 26 qazandaǵy Shanhaı yntymaqtastyq uıymyna múshe memleketterdiń úkimetteri arasyndaǵy Tótenshe jaǵdaılardy joıýda kómek kórsetý kezinde ózara is-qımyl jasaý týraly kelisimge hattamany ratıfıkatsııalaý týraly» zańyn qabyldady. Endi qujat Memleket basshysynyń qol qoıýyna joldanady.
Atalǵan kelisimniń hattamasyna 2012 jylǵy 5 jeltoqsanda Bishkekte qol qoıylǵan. Hattama boıynsha tótenshe jaǵdaılardy joıýda kómek kórsetý kezinde ózara is-qımyl jasaý úshin qoldanylatyn qujattardyń úlgi nysandary belgilenedi. Bul úlgi nysandar Uıymǵa múshe memleketterdiń shekaralaryn kesip ótý barysyn jeńildetýdi kózdeıdi.
«Hattama ShYU múshe memleketter úkimetteri arasyndaǵy tótenshe jaǵdaılardy joıý barysyndaǵy ózara is-qımyldardy naqty júzege asyrýdy qarastyrady. Kelisim aıasynda basqa taraptarǵa kómekter kórsetý sharttary men erejeleri, qutqarýshylardy jiberý sharalary, halyqqa tıimdi járdemderdi ýaqytyly berý máseleleri qamtylady», - deıdi Tótenshe jaǵdaılar mınıstri Vladımır Bojko.
