Senat shekarany kúzetý jáne ulttyq qaýipsizdik týraly zań jobasyn qaraıdy
«Senattyń kezekti otyrysyn 5 qarashada ótkizý josparlanǵan. Sonyń aıasynda senatorlar «Qazaqstan Respýblıkasynyń Úkimeti men Belarýs Respýblıkasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratıfıkatsııalaý týraly» zań jobasyn qaraıdy. Sondaı-aq, «Keme qatynasy týraly kelisimdi ratıfıkatsııalaý týraly» zań jobasy da otyrystyń kún tártibine shyǵaryldy», - delingen Senat baspasóz qyzmetiniń málimetinde.
Sonymen qatar depýtattar «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń Memlekettik shekarasyn kúzetý jáne ulttyq qaýipsizdik máseleleri boıynsha ózgerister men tolyqtyrýlar engizý týraly» zań jobasyn qaraıdy.
Bıýro otyrysy kezinde Májilisten kelip túsken zań jobasy tıisti komıtetke bólinip berildi. Soǵan sáıkes Ekonomıkalyq saıasat, ınnovatsııalyq damý jáne kásipkerlik komıteti «Qazaqstan Respýblıkasynyń ákimshilik-aýmaqtyq qurylysy týraly» Zańǵa ózgerister men tolyqtyrýlar engizý týraly» zań jobasy boıynsha bas komıtet bolyp belgilendi.
Otyrys barysynda Máýlen Áshimbaev aldaǵy ýaqytta Senat Salyq kodeksine engiziletin túzetýler boıynsha zań jobasyn qaraıtynyna nazar aýdardy. Senat tóraǵasy bul óte mańyzdy qujat ekenin, depýtattardyń zań jobasyna qatysty keıbir usynystary Úkimettiń qorytyndysyn qajet etetinin, sondyqtan birlesip, tyńǵylyqty jumys isteý kerektigin atap ótti.