Senat saılaýynda zań buzýshylyqtar tirkelmedi - OSK

ASTANA. QazAqparat – 14 qańtar kúni ótken QR Parlamenti Senat depýtattaryn saılaýda zań buzýshylyq oryn alǵan joq. Bul týraly QR Ortalyq saılaý komıssııasynyń múshesi Asylbek Smaǵulov aıtty, dep habarlaıdy QazAqparat tilshisi.

«Ótken saılaýǵa qatysty qosymsha málimet bergim kelip otyr. ıAǵnı, daýys berý kúni «Saılaý týraly» Konstıtýtsııalyq zańdy buzý týraly aýmaqtyq saılaý komıssııalarynan jáne tańdaýshylardan shaǵymdar men aryzdar kelip túsken joq», - dedi Asylbek Smaǵulov Ortalyq saılaý komıssııasynyń otyrysynda.

Al OSK tóraǵasy Nurlan Ábdirov bul saılaýdyń ádil ótkendigin bildiretindigin basa aıtty.

«Demek, bul daýys berýdiń, sondaı-aq basqa da saılaý rásimderiniń saılaý zańnamasynyń normalaryna saı ótkendigini kórinisi», - dep atap ótti OSK tóraǵasy.

Osydan keıin Ortalyq saılaý komıssııasy 2023 jylǵy 14 qańtarda ótken QR Parlamenti Senatynyń depýtattaryn saılaýdyń qorytyndylaryn anyqtaý jáne jarııalaý týraly, sonymen qatar bıyl 14 qańtarda ótken Astana qalasynan QR Parlamenti Senatynyń shyǵyp qalǵan depýtatynyń saılaýynyń qorytyndylaryn anyqtaý jáne jarııalaý týraly qaýlylardy qabyldady.

Buǵan deıin QR Ortalyq saılaý komıssııasy QR Parlamenti Senatynyń depýtattaryn saılaýda daýys berýdiń aldyn ala nátıjelerin jarııalaǵanyn habarlaǵan edik. Sondaı-aq QR Ortalyq saılaý komıssııasynyń tóraǵasy Nurlan Ábdirov saılaýda básekelestik deńgeıi joǵary bolǵanyn jetkizdi.